عناوين ونصوص القصائد   أسماء الشعراء 
الشعراء الأعضاء .. عامِّي > مصر > عبداللطيف مبارك > شخابيط

مصر

مشاهدة
379

إعجاب
2

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

شخابيط

لو عاوز ترسم لوحه
فده شىء موش صعب
هتشخبط شطين للميه
وهتركن جواها العفن الطالع
وتميل نخله .. ساقطه سعانفها
لكإنها تتخانق
مع هبة ريح
ع الجنب التانى
بيوت على منظر أصغر
بتدارى .. جبال
ومخيم
ومخيم فوقها سحابه
وكام طياره
من نوع الإف الستاشر
تقدر وانت مغمس ريشتك
باللون الداكن
ترمى على الأرض .. قتيل .. اتنين
أو حتى على قد م تقدر
تقدر تعملك كام حاجز
لكإن مدينه محاصره
ترجع للجنب اللى إنت متخايله قدامك
وتطير ف حمام السلم المربوط جناحاته
على خصر البنت العريانه
اللى بتعمل بورنو ف الفضائيه
أوعك تقلب
علشان بعد شويه
هيجيبوا الجند الأمريكيه
بتوزع بونبونى
لأطفال البصره
عبداللطيف مبارك
بواسطة
المشرف العام
الإضافة: الجمعة 2010/03/05 11:19:05 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com