عناوين ونصوص القصائد   أسماء الشعراء 
الشعراء الأعضاء .. عامِّي > المغرب > عبد العلي فيلالي بالحاج > ناكر الخير

المغرب

مشاهدة
956

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

ناكر الخير

فْيُومْ مَنْ لِيَّامْ
عَرَفْتْ دَرِّي فَقِيرْ
كُلّْ رَسْمَالُو قْلاَمْ
وْلُوحَة مَنْ قَزْدِيرْ
عَلَى ظَهْرُو سَلْهَامْ
مَنْ لَمْشَمَّعْ قْصِيرْ
فَقِيرْ وْفَعْيُونُو بَسْمَة
وْثَارْ مْعَ خُبْزْ الشّْعِيرْ
مَا بَايْنَة عَلِيهْ نَقْمَة
وَلاَ شْكَى حْزَانُو لَلْغِيرْ
كَانْ حُلْمُو كُلُّو لَقْمَة
وْجَغْمَة دَلْمَا دَلْبِيرْ
مْشَاتْ لِيَّامْ بْلَحْزَانْ وْلَفْرَاحْ
وْلاَقَاتْ لَعْوَامْ الِّليلْ بَالصّْبَاحْ
صَاحَبْنَا قْرَا وَتْعَلَّمْ
وَمْعَ لِيَّامْ دْرَكْ وَلاَّ يَفْهَمْ
شَافْ جْنَابُو وَتْبَسَّمْ
وَنْفَخْ صَدْرُو وْتْعَظَّمْ
قَالْ اللهْ يَرَحْمَكْ زْمَانْ
وْيَرْحَمْ لْبُو وْلَمِّيمَة لَحْنَانْ
جْمَعْ كُلْشِي فْسَلْعَة
وْبَاعْ كُلْشِي فْدَفْعَة
نْكَرْ لَحْبَابْ وْلَصْحَابْ
وْسَدّْ عَلْعَشْرَانْ الْبَابْ
دَارْ حْبَابُو هُمَا نْسَابُو
وْبَاعْ جَنّْتُو بَعْذَابُو
نْسَا بَّاهْ وْلَمِّيمَة لَحْنِينَة
وْخَلاَّهَا تَطْلَبْ النَّاسْ فْلَمْدِينَة
صَاحَبْنَاهَذَا مِثَالْ
عَلَى مَا يْدِيرْ فَبْنَادَمْ الْمَالْ
مَا يْدِيرْ الْجَاهْ وَالْكَلْمَة
فَقْلِيلْ الأَصَلْ وْمَعْدَنْ الْمَا
قَالْ الصَّادَقْ يَا إِنْسَانْ
كَمَا تَدِينْ يَا بْنَادَمْ تُدَانْ
وَلِّي دَارْ شِي فْوَالْدِيهْ وَالنَّاسْ
يْدِيرُوهْ فِيهْ النَّاسْ وَالصَّبْيَانْ
عبد العلي فيلالي بالحاج
التعديل بواسطة: عبد العلي فيلالي بالحاج
الإضافة: الخميس 2010/02/25 01:59:01 مساءً
التعديل: الاثنين 2015/03/23 12:56:30 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com