على باب الأمل نوقفْ .. أنا ولا المسا كذّاب؟! | |
|
| يواعدني ظلام الليل .. لو واعدْتُه السهرة ..! |
|
مثل عنوان لكتابي .. لقيته في سطور كتابْ | |
|
| أحس ان انتظاري بس لهروبي من الحسرةْ |
|
انا الإنسان من قبلي .. وأنا الشاعر بعد ماتابْ | |
|
| اذا ارتدّيتْ عن أمسي .. أب ...اكفر في بعد بكرة ..! |
|
عمى شال الصبر عيني .. دموعي كلبوها ملح | |
|
| أنا والشارع الثاني مسافة حيرة الشاعر |
|
يجينا ليل مايرحم .. ويقبل في تعبنا صبح | |
|
| أغامر بس بجروحي .. ولولا الحلم ما اغامر |
|
كفرت بأول أيامي .. وصلّيت الليالي جرح | |
|
| إذا بكرة يجي يمكن ابركع بس للحاضر ..! |
|
أنا واحساسي .. اف بعدكْ عصافير وشجر وأوراق | |
|
| ظِلالْ وشمس لو تغرب ..يجينا ليلنا الثاني |
|
عيونك موطن الساعة .. ودقّات الحنين أشواق | |
|
| نسي في شارع الأيام ..لايعطيك عنواني |
|
إذا أمسي مثل يومي شجن وأخبار ماتنطاق | |
|
| أب..انسى ذكرياتي يوم .. واذكر بعض نسياني! |
|
على كرسي شفق أزرق .. وعند الموعد المهجور | |
|
| شربت بكاسك العتمة .. وسكْرتْ منك شهقاتي |
|
أمانة يابعد مريم وياثوب الشعر مغرور | |
|
| تبسّم في شفاة الليل .. واكتب عن معاناتي |
|
إذا بكرة نسيتيني .. وذكّرك الحنين سطور | |
|
| أب.. انسى منك نسياني .. وابااحيا في كتاباتي |
|
أجيكْ وللصباح أنفاس ..تحبي في رصيف الدرب | |
|
| نجمّعها ..سوى للريح .. ونلمّ السحاب أعمى |
|
ترى كل الكلام اللي .. يعدّونه عن أهل الحب | |
|
| إذا جيت أتسمّع شِفْت صمت العاشقين أسمى |
|
متى كان السفر .. غيمة وعنوان الأماني كذب | |
|
| إذا كان العطش صحرا ..وميراد السراب أظمى .. |
|