يسألوني عَن حبيبٍ ساكنٍ فيّ الخلايا | |
|
| ما دروا ان الحكاوي والكذب ماهو بعرفي |
|
وان بغيت أصدِق ظلمته مالنا علم النوايا | |
|
| يمكن اظروفه تحده يبتعد عني ويقفي |
|
آه منه مِتعِبَنيّ .. حَمّل قليبي رزايا | |
|
| توه افأول سنينه علموه اشلون يَجفي |
|
فيه قلبي ما الومه صارخه فيّ الحنايا | |
|
| ما قِوت تغفر طعونهكيف هي تَعذر وتَعفي |
|
|
طوّل الغيبه وانا ارسم بين ذكراه الزوايا | |
|
| تشعل اشموع انتظاري،، بين قفياني وحرفي |
|
ياه من ذا الليل امست .. معتمه كل المرايا | |
|
| و انعكاسات ابتعاده،، اظلمت قولي ووصفي |
|
ظنتي وان ضاق حظي .. ما يلاقي له سوايا | |
|
| لو هي اتدور الدواير .. ما يبدلني وينفي |
|
ما سكن مني خفوقه ما اتركه نبضي ورايا | |
|
| ليه خلاني وحيده .. انشده بالله يكفي |
|
لا تخليني يتيمه توي في أول صبايا | |
|
| هو لهالدنيا معاني بعد ما بيحت نَزفي |
|
قولها ان كنت تقدر ليه تتمادى جِفايا | |
|
| ليه قلي شالقضية مين ذا الخفاق يَدْفيّ؟؟ |
|
باردٍ ليلي بدونك خايره بعدك قوايا | |
|
| و الهقاوي تحتويني لا اندثر لحني وعزفي!! |
|
ما شكيت الناس همي ما شكيت الا شظايا | |
|
| اشتكيني من عذابٍ لف ذا الخفاق لفي |
|
ناقصه فيني اماكن تحتري حلو المزايا | |
|
| عاجزن حلمي بدونه ولا اظن الطب يشفي |
|
من عصف فيني غرامه ثارت بنفسي خفايا | |
|
| و ارتسم خط انحداري عاطف الايام عطفي |
|
راضيه كلي بقسمه نَصها رب البرايا | |
|
| بس خلوني اشوفه قبل اعدامي وحتفي |
|
وصلو له قلب حبه ماله فالدنيا خطايا | |
|
| غير حَبه في حياته بلغوه ابشوق يهفي |
|
كم تمنى بس يلقى ما يخفف لي عنايا | |
|
| قبل ما ارحل طلبته لاهب الاحساس يطفي |
|
كلها كلمة طلبته لا يِزود لي شقايا | |
|
| لحظةٍ يسعد اسيره يوقف ابلحظة في صفي |
|
بس سايرني شويه في الهوى كم من ضحايا | |
|
| عدني انثى ذبحها شوق ما عاد امتخفي |
|
فاضحنّي في كلامي في سكوتي عن هوايا | |
|
| يا حلا الدنيا نشدتك ترحم اظروفي وضعفي |
|
قول لي سر ابتعادك ليه طلقته حشايا | |
|
| ليه ارخصت الغوالي من يحبك غصن جفي |
|
ساكتٍ يومي سألتكاظلمت فيّ الزوايا | |
|
| دام اقصيت المحبةابتعد عني واقفي |
|