بعد هاللي جرى كله تظن ارضى بإسلوبك | |
|
| تظن اللي زعل يرضى بكلمه اتروح زعلاته |
|
ترى غلطان يا كلي ذبحته حرف مكتوبك | |
|
| انا انسانةٍ حُره وكلن حُر في ذاته |
|
تفضل ابتعد يالله تِخيّر حَد من ثوبك | |
|
| تِخير مين ترضابك وقلبك رغم علاته |
|
تجردتك ولي ربي يبري النفس من صوبك | |
|
| وفيتك لا تقِل خنتي خفوقي يملك اثباته |
|
معا كل مرةٍ تزعل يزيد اضعاف مطلوبك | |
|
| تمادى حبرك ابروحي الين اتملك اشتاته |
|
بدينا الحب عبراته وفي العبرات يا دوبك | |
|
| تبدى بأول الخطوه وياهي اتوه خطواته |
|
ترد اتقول ايه انتي ذنوبي اصلها اذنوبك | |
|
| سهاله لا رميت الحق على من تحكم إمنَاتَه |
|
هذاك اول ولا لي به تعبت اتصفح دروبك | |
|
| تِسهل شوف لك ثاني تفنن في معاناته |
|
انا ما قلت لك شَيٍ ولكن صعب عذروبك | |
|
| الى من جاني ينشدني دروب الود ما جاته |
|
خلاص انسى حكاوينا تناسى اسم محبوبك | |
|
| كلام الود ما ينفع الى من وقتنا فاته |
|
تعبت اسكت واتحمل تعبت اتحمل اعيوبك | |
|
| و ليته حس بي منهو اوطي لجل مرضاته |
|
خفوقك يا هو مرمرني ومر الوقت مشروبك | |
|
| هنيالك بعلقمها جزا من صرت مأساته |
|
عسى هاللي تشربته شروقه يسبق اغروبك | |
|
| ِيلحّق قبل هالدنيا تروي القلب آهاته |
|
توصى لا خطيت ابعيد تذكر غَيّر اسلوبك | |
|
| ترى والله ما تلقى مثل قلبي وزعلاته |
|