إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
ألفاظ وسارية في البلد زي الوبا |
م سكندرية للصعيد |
من بر شبرا لبورسعيد |
من مرسى مطروح للهرم |
لا الفن فن ولا الطرب هو الطرب |
تهريج وطبل وهز وسط وبهدلة |
جاهل يدوب يبصم خفيف |
لجل الأوبيج والرغيف |
يكتب قصيدة عن الفؤاد اللي انكوى بمكوة لحام |
وغناوي عن كوز المحبة اللي اتخرم. |
دا انا مخي هو اللي اتبرم. |
أخنف وموهوب في الشخير.. |
بقا مطرب الحي الكبير |
قول تور وماسك ميكرفون |
وعاديك وفنان ف الجعير |
مسطول يغني لسكرانين |
وحشيش ودخان ف الهوا وأفيون وشم |
والقعدة بانجو وصهللة |
والبت قال إيه مطربة |
لا ثقافة ولا علم انما |
حلوة وبضارة مربربة |
والحظ نازل م السما |
والجسم ..... هو الموهبة |
سبوبة هي وأكل عيش؟ |
وألا بح الذوق مفيش؟ |
دلوني فين المعضلة؟ |
آه يا زمان العولمة |
ومكنش واللا دا العشم |
الدش خلا ف كل بيت كباريه وسكر ومسخرة |
واغان فيديو معمرة ببنات دلع |
مايوهات... اهات ... أحضان وبوس |
متقوليش عيب ...ويا عم دووووس. |
مبقاش حيا في القلب والله يا مؤمنين |
وخلاص معودناش نختشي؟ |
والفن أصبح في الزمن دا سبهللة |
يا جاهين تعالى ارسم لنا سكة علاج فيها الشفا |
لون عيوننا بالأمل |
واغسل قلوبنا من النكد |
دي الضحكة طالعة من القفا |
يا عم بيرم قوم وشوف المهزلة. |
دا اللفظ سعد يا مبدعين |
والكلمة كانت جوهرة |
ف ايدين صنايعي أصيل ... أمين |
فاهم فنون المسألة |
يهمس لها بخشوع وصبر وأستذة |
والنيل دا جامعة ومدرسة |
اشرب تاريخه سلسبيل |
وامسك عبايته وخش وياه معبده |
تحلو فيه التلمذة |
مصر العظيمة دى أمنا |
اسمع كلامها تعلمك |
بص ف عيونها تفهمك |
أم المواهب والعجايب والكرم |
والفن بحر وقلبه نابض بالحياة |
مش أي حد يغوص في موج الفن يطلع بالدرر |
دي المية صعبة تغرقك .... ويجيلها يوم وتكدبك |
لو كنت مش غطاس خبير..... |
عاجز تصيد الحلم من فك الألم ... |
سيب القلم تنحل كل المشكلة |