رغم الظلام اللي يطوّق عيوني | |
|
| ما كنت اخاف اطيح وان طحت باقوم |
|
احيان احسّ ان البشر يحسدوني | |
|
| واحيان احسّ انهم يقولون محروم! |
|
احيان اجرّح من دموعي جفوني | |
|
| واحيان احسّ اني من الدمع معصوم |
|
ولو تمتموا حسيتهم يقصدوني | |
|
| وان جاهرو كنّي من الناس مرجوم |
|
في داخلي حلم الملا يبصروني | |
|
| اتعب ولاني بالتعب يوم مرغوم |
|
اشتاق اشوف الناس والناس دوني | |
|
| وانا البعيد اللي مع الناس ملموم |
|
في غربتي .. حلمي تثاقل متوني | |
|
| في غربتي.. محدن اقاسمه الاهموم |
|
في غربتي لو مالبشر يوصفوني | |
|
| توقّض الحيرة حياتي من النوم |
|
في غربتي ما اقول كلهم نسوني | |
|
| لكن قليل اللي طروني لهاليوم |
|
ولا غرّد العصفور نبرة شجوني | |
|
| والارض تنطق لا تعثرت محشوم |
|
اتلمّس اشيائي احسّ افقدوني | |
|
| واعطف على الحايط ولو كان مهدوم |
|
من غيرهم لامن حكيت اسمعوني | |
|
| من غيرهم في ظلمت الوقت معزوم |
|
والا البشر ما عمرهم بشروني | |
|
| قوم ن تخالف وجهة الدين والقوم |
|
حتى السلام احيان يخلف ظنوني | |
|
| لاجيت اسلّم كنّي اقول مغموم |
|
اعمى.. وابي كل البشر يتبعوني | |
|
| ولاحدن على غيره من الناس ملزوم |
|
امشي كذا .. لوكانهم يفهموني | |
|
| ما قالوا اني غير واثق وزيزوم |
|
اتعمد الطيحه ..واقول امسكوني | |
|
| عشان اقول:الحمد والشكر له دوم |
|