إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
آهات العند تسقينى كاسات المر |
وطول الهجر شتتنى |
وليش البعد ماتعنديش |
بشوف عشقك هيمقتنى |
أنا مهموم ملان أوجاع |
وضاع أملى وموتنى |
محزش فيا غير انك |
قتلتينى |
وضيعتى سنين عمرى |
وبعتينى |
ومش بامرك ولا بأمرى |
تحبينى |
بأمر الحب كان غدرك |
ومين امرك تعاندينى |
وكيف حبيتى من قلبك |
أيا قلبك |
ملان قسوه |
وايش تسوا |
فى لحظه تكونى مش أنتى |
ولا أنتى اللى حبيتى |
كتمتى الجرح فى قلبك وداريتى |
وكنتى فى يوم قصيده شعر |
تتغنى على لسانى |
وكنتى معاى رقم واحد |
وانا التانى |
ولا مصدق بأنك صرتى جباره |
فى لحظه بقيتى غداره |
فى ثانيه انسيتى عشرتنا |
وخنتى الملح والعيشه |
بلاها الدنيا من غيرك |
ومين تانى هيقتلنى بأهات البعد؟ |
خلاص تقلك بقا غيه |
وصرتى عنيده يا وليه |
بتفتكرينى تحت ايدك |
تبيعى وتشترى فيا |
خلاص ياروحى أنسينى |
وانسى الحب والعشره |
وأبصملك وبالعشره |
بأنك مدرسه فى العند |
وانا زيك بقيت أعند |
وقلت ابعد خلاص وارتاح |
لقيت طيفك محاوطنى |
مكتفنى ورابطنى |
برباط محكوم |
انا ملزوم أكون صابر |
ولا أيوب |
بشوف عندك بقا مكتوب |
وهاتحمل بلاويكى |
سيبيكى من تخاريفك |
لأن العند مش فيكى |
شعر |
احمد ابوحج |
شاعر صحفى |
سيناء |