إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
انصبوا شادر عزايا .. نورُوه |
ورَوّقوه |
واكتبوا فوق منُه إنا .. |
لله |
وإنا راجعون |
كل حي .. جي رايح |
يومه ساعتُه .. |
راجعون |
مش ح يستثني ف عبادُه المبدعُون |
كلنا في الأصل طينة واحدة |
ولا فرَّقنا غير .. |
دُنيا فيها شيطان بيزرع .. |
للعباد وهم الظنون |
هي رحلة وكام محطة |
فيها نازل .. فيها طالع |
خطوته تنجح بإذنه |
منه هو مش بقدرُه |
يا صحاب الدنيا وصلت .. |
رحلتي لأخر محطة |
ادخلوا المعزى وعزوا |
اسمعوا قرأنُه حبّة .. وأجِّلوا النميمة حبّة |
يكفى تقطيع في اللي جابني |
آه يا سيرتي مزّعوها .. |
وكنت فاكراهم حبايبي! |
ماشية دنياكم وماضية |
كله جاي ويايا بُكره |
دا حياخد مني دا حسنة |
ودا راح أخُد من مساوئه |
دُنيا هالكة وبعد موتنا .. |
ما فيش معارضة |
إلحقوا الأيام وتاجروا بفعل رابح .. أو مُقايضة |