إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
فيه بيوت بتموت |
على لقمه عيش |
وحاجات على مص الدم تعيش |
أنا جدي في جيشكم |
ما كانش شاويش |
فطلعنا يدوب |
حبة حرافيش |
بتكلم جد |
كان أبويا بيبنى |
سدوده بكد |
علشان لو زاد النيل عن حد |
هيحوشه ليوم ما يجف البير |
اسطي في الحكمة وفى التدبير |
ما زرعش في مسرى خضارأمشير |
ولاكانش في يوم نبوت لغفير |
ياما بات ع ساقيه |
وساق التور |
بالنورج لما يجينا هاتور |
فاكرينه هاتور؟ |
كان يجى معاه دهب المتنور |
دالوقت السنة كلتهابشنس |
وبتكنس كل غيطانك كنس |
وفى بابه فتحت البوابه |
دخولها تعالب ودياب |
وكلاب النبحة الكدابه |
والديك الفاكر بأدانه |
الصبح بيطلع علشانه |
الصبح دروب يلزمة دبيب |
وساعتها يطيب عنبك يا أبيب |
ونروح ونجيب طرح برمهات |
انطق يا سكات |
مش كل مااقولك بكره |
تقولى امبارح مات |