عناوين ونصوص القصائد   أسماء الشعراء 
شعراء العامية في العصر الحديث > مصر > عبد الناصر حجازي > إرميلى طوق

مصر

مشاهدة
1466

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

إرميلى طوق

إرميلى طوق
لا الدّوامات بتشدنى ومحتاج لإيد ..
تسحبنى فوق
إرميلى طوق ..
أرجع به تانى لدنيتى
من أدّ إيه عمّال بعافر فى الغرق،
واشرب فى ملح
وألف مركب رايحة جاية تبصّ لى ..
على إنى ميّت
رغم إن زفيرى بيهز الشطوط
وشافنى يطلع ألف حوت
ما حدّ فيهم حبّ يبلعنى،
وسابونى اغطس واقبّ .. اغطس واقبّ،
ومن حلاوة روحى باتعلقّ فى كتف الموج،
واشبّ على الحشف،
واحدف عنيّا لآخر السكة ومفيش ..
فى مداها ضوء
إرميلى طوق
لا الميّة زى التلج بتجمّد لى نبضى . .
والغرق رافع راياته الحمرا فوق عمرى،
وقرّبتّ ...
رئتينى تتقايا الشهيق
مش وقت ليه أنا جيت هنا،
مش وقت مين حدفنى من قلبه الخشب
دا وقت فاصل ..
بين حياة بتشد جدرها من عروقى،
وموت بيغرينى بكفن
والوقت ضيق والهوا ..
بيهجّ من صدرى،
وروحى استسلمت للريح
باموت .. باموت .. باموت
هاتسيبنى اموت بدون ما ترمى لعمرى قشّاية؟
بدون .. ما تشّدنى لو سنتى فوق؟
إرميلى طووووووق
إرميلى طوووق
إرميلى طووو ....
عبد الناصر حجازي
بواسطة: محمد أسامة
التعديل بواسطة: محمد أسامة
الإضافة: الثلاثاء 2007/07/03 02:18:03 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com