عناوين ونصوص القصائد   أسماء الشعراء 
شعراء العامية في العصر الحديث > مصر > أشرف الشافعى > قصيدتان

مصر

مشاهدة
618

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

قصيدتان

فوبيا
حفرت ملامحك
فوق حيطان الذاكرة
عناوين دخولك للحذر
سرًّبت جوايا الفضول
علشان يراقبك
وانتى داخلة تفتشى
تفاصيل دهاليز الوجوم
فاتسللت...
ف جوارحى رغبة
ف الميلاد
ياهلترى ..
جيشان مشاعرى المهملة
بعد إمتلاكك ف انفعالى
حق ترتيب الفصول
هو اللى خلانى ارتعش
ولا نضارة طلعتك
ف فضاء كآبة
ذكرياتى عن المخاض
حلّت ف قلبى ...
عقدة الخوف...
م الخروج!
فض اشتباك
يا زقزقات....
عصفور غنايا اللى ابتدت
تبهت ملامح دهشته
برجوع صداه خالى الوفاض
من غير غنيمة فجر معناه البرىء
حرضتى ليه فيا انبهارى
بالشروق المستحيل؟
بعد اما حرفى المنطوى
ف ركن منفاه الاختيارى
إستعذبه غياب الشفق
غيرتى ليه تانى ....
مسارك بالدخول ...
لجنون بكارة الارتباك؟
مش باقى قدامى اختيار
غير إنى أفادى مفرداتى
م التورط ف النشاز
واعرى ظهرى للقصيده ....
عشان أفض الإشتباك!!
أشرف الشافعى

من ديوان تحت الطبع بعنوان ( مافيهاش كوابيس )
بواسطة: أشرف الشافعى
التعديل بواسطة: أشرف الشافعى
الإضافة: الاثنين 2007/07/02 03:53:17 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com