عناوين ونصوص القصائد   أسماء الشعراء 
الشعراء الأعضاء .. عامِّي > مصر > سمير الأمير > غمض عنيك يا بوليس

مصر

مشاهدة
1068

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

غمض عنيك يا بوليس

غمض عنيك يا بوليس
واقفل ودانك شويه
دى بلادنا حتروح فطيس
من غير نفس حرية
****
غمض عنيك ع الناس
فتّحها ع الحراميه
وامسك ميزان حساس
بالعدل والوطنيه
***
بيساوى كام الضمير؟
عليك يارب العوض
ده الوضع اصبح خطير
بعد البوليس ما قبض!!
****
غمض عنيك يا بوليس
عايزين نشوف سكتنا
تعبنا م التحسيس
والضلمه خنقتنا
**
كفاياك بقى تهويش
اقفل ودانك وسيبنا
مدام خدمنا الجيش
طب ليه تعذبنا؟
**
مش متنا فى النكسه
وعبرنا فى التحرير
وما نابنا غير وكسه
م الفقر والتكدير؟
***
غمض عنيك بقى عيب
ده احنا بقينا عرايا
وزهقنا م التعذيب
والمحكمه والقضايا
***
ده ما عادش نافع زوق
ولا انت فاهم كلام
بكره يا ظالم تدوق
مُر البكا والآلام
***
وساعتها فتح عنيك
واصرخ وقول ده حرام
ومين حيسأل فيك
وانت ف قفص الاتهام؟؟؟
سمير الأمير
التعديل بواسطة: محمد أسامة
الإضافة: الاثنين 2007/07/02 06:28:37 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com