 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
ادخل الكود التالي:
انتظر إرسال البلاغ...
|
| كش ..؟؟ |
| يا عساكر خطوه لخلف .. |
| خطوه لخلف |
| وبلاش قدام .. قدامكم نعش |
| كش ..؟؟ |
| قدامك .. أقدامك خوف |
| قصرك ح يدوب في التلج |
| وف سدرك كلمه بتتمطع .. بتحاول تطلع .. |
| لكن في الركن مطب |
| كش ..؟؟ |
| لو تدخل خاوي الجيب .. حاتموت |
| حرك أيامك .. أحلامك .. قدامك نسر |
| يتمطع وجناحه تابوت |
| فارد ع الرقعه حكايه رعب |
| كش ..؟؟ |
| إحمي عساكرك .. من ألف مطب |
| أنا شايف بنادقهم ورصاصهم قش ف قش |
| وعيونهم .. بتحاول تتغلب على حزن الغلب |
| ويا حسره .. عيونهم بتحاول لكن بتشيب |
| حتى خطاويهم .. في علم الغيب |
| كش ..؟؟ |
| دخنت سجارتي ودخانها سحابة جبن |
| خايف أرجع مهزوم .. وباجر على كتافي القهر |
| كش ..؟؟ |
| الخوف مش عيب |
| إن كنت تخاف من بلدك تبقاش لعيب |
| إلعب غوط .. غيب |
| إحلب عناقيد الغيب |
| حرك فيلك .. على شط النيل |
| قدامك بحر .. |
| لو عديته .. ح يركعلك طول الليل |
| ويدلدل عناقيده نجوم .. وتمص الشهد |
| وإن خفت .. |
| حاتضيع الأرض |
| على فين بتوصل رقعة شطرنج ..؟ |
| الشاطر يعرف .. |
| بس ما يطلعش البرج .. |
| دا لأن الأمريكا العظمى لسه واقفه فوقيه |
| على فين بتوصل رقعة شطرنج |
| الشاطر يعرف .. |
| والعاجز يسأل |
| إسأل ده .. |
| مش عارف ..؟ |
| طب غيره .. غيره .. وغيره؟! |
| آه .. يا عجزه ..!؟ |
| لفوا الرقعه السودا |
| حاتلاقوا السنانير .. غامزه |
| لكن ناقصه الإيد اللي تشد الخيط |
| لفوا الرقعه السودا |
| شيلوا قتلاكم من فوق كتفي المشلول |
| دا لإمتى حافضل شايل قتلاكم ..؟؟ |
| غموا عيونكم بالليل .. والويل |
| لما أجري وسطيكم بحصاني الأصلع |
| بحصاني المنزوع الريش |
| إحموني بكلمه تعيش |
| إحموني بكلمه تعيش |
| كش ..؟؟ |
| مش رايح أكش .. |
| لو تغلب مش عيب |
| لكن دا العيبه تكون لعيب |
| وتشيل في ضلوعك نعش .. |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
