إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
قالوا المعاش في شرعهم |
هو النهاية |
أنا قلت لأ |
ودي حكمتي |
أبداَ يا عالم دي البداية |
قالوا هتقعد ع. القهاوي |
تحكي لصحابك حكاوي |
وترددوا كل الغناوي |
قلت لأ |
دا مش حيحصل |
طول ما كان هدفي قصاد عيني |
وكان في القلب غاية . |
قالوا بتبالغ يا شاطر |
يمكن انت عشان بتكتب |
كلمتين في الشعر قالوا |
في الجرايد إنك انت صبحت شاعر. |
قلت حتى ان كنت شاعر |
أو بألف كام ديوان أو كام رواية |
ليه بشعري مفيدش بلدي |
ويبقى قصدي و كل هدفي |
م. البداية للنهاية |
وهو دا أصل الحكاية . |
*** |
لما مرت م. الحياة ستين سنة |
وابيضّ شعري |
وضهري قرب ينحنى |
والسنان بدأت تخلع |
والآلام بدأت تسمع |
قلت لأ للضعف لأ للمسكنة |
دي الأماني لسه لسه ممكنة |
لسه حبدأ من جديد |
طول ما عزمي كان حديد |
طول ما رأيي كان سديد |
طول ما علمي كان مفيد |
يبقى لازم أفيد و أفيد |
وابقى شمعة في ليل بلدنا |
لو يطول الليل تقيد. |
*** |
يا حبايبي يا دكاتره |
يللي نوركم في المكان |
يا زمايلي في الحكومة و النقابة |
أو في جامعتنا الحبيبة |
عمر ما كان التقاعد هو سكة الغلابه |
شوفوا اخويا حبيبي نشأت |
اللي كان في الدكة جنبي |
واللي حبه لسه ساكن جوه قلبي |
لسه باسم الله منور بينادينا |
لسه فاتح قلبه للأحباب و لينا |
لسه رغم سنين كتيره قلبه بيضلل علينا |
لسه بنطالبه بكتير بحاجات كتيره من حقوقنا |
أولا: لازم تزيد قيمة المعاش |
لازم الخدمات تجيلنا لحد بيتنا و ببلاش |
لازم الدكتور مكانة يبقى فوق |
والدنيا تضحك من جديد |
وف. ساعتها تلقى كل الناس يا صاحبي إيد في إيد. |
*** |
هو دا كل الكلام |
زي ما بديته معاكم بالمحبة و السلام |
قلبي بيسلم عليكم |
يا زمايلي يا كرام |
قلبي بيسلم عليكم |
بالمودة و الوئام. |