إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
أصحابى |
بحب البلكونه فى الشتا |
فى ركن واسع |
بتقنفد |
على جسمى بالطو تقيل |
وعنيّا مليانه دموع |
الذكريات بتهاجم روحى |
وانا بعبى الصبر فى الكيس البلاستيك |
عشان ابعته الصبح لعربية الزباله |
كان شكلى كوميدى |
وعينى بتنطّر دموع |
دلوقت بعد ما عدت السقعه |
وعدت وراها الذكريات |
بضحك قوى |
وانا قاعد فى ركن واسع |
فى البلكونه الجديده |
اللى ماليتها بورد وعصافير |
وشخبطه وعرايس |
دول اصحابى |
اللى بيلاعبونى واغنى لهم |
وعمرى ماحسيت بالوحده وانا معاهم . |