عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > ضميني

مصر

مشاهدة
216

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

ضميني

لما اجيلك..مدى ايدك.. امانه يا امه ضميني...
لما يمشو وتروح اللمه... لملميني..
نفضي لى ذنوب شمالى ولملميلي حصاد يميني...
لو هتبقى الواحشه ضلمه نوريلي....
مش بطيق الوحدة يا امه ونسيني...
امانه يا امه لما اجيلك زي سابق.. بدرعاتك حوطينى...
واحضني القلب الي سابق... بجنحاتك طيري بيه....
وامسحى بايدك تراب اللحد يا امه عن عينيه....
ضمي يا امه كمان شويه.....
وامسحي عرقى اللي سايل عن جبيني...
اوعي يا امه تقولي أما جابني..
بعد ساعه راح وسابني....
فتسيبيني...
اللي كان ما بينا دنيا... وخداني يا امه وكات مسافره...
دلوقتى آخره...
اعزريني...
مانتي يامه زمان عزرتي وكتير سامحتى...
النوبادى اهم مره اهم ضمه...
سامحى يا امه...
لما اجيلك المره دي مش هيكون فيه اي شيء بينك وبيني....
هتنتهي كل الحواجز....
ابنك المرادي يا امه جاي عاجز...
يا امه مستحي من ربنا ومستحيكي...
خوفي يا امه لما اجيكي.. اقول ياريت...
امانه يا امه ضمى كل ضلوعي فيكي...
رجعيني مكان ما جيت....
ملعون حطام الدنيا يامه وملعون أبوه...
قولي ضيفي وابن بطني اكرموه...
قولي ريحة الريحه....
حصاد كفوفي وزرعة أبوه....
ولو هيخدوني لمصيري....
امانه يا امه احضنيني....
قولي ابنى خلاص سامحته...خلاص سيبوه...
افرشوله جنب مني.. هو ابني...حته منى... مش ابن اللي انصرفو وسابوه..
أبو حجاج

عن حب امي
بواسطة: أبو حجاج
التعديل بواسطة: أبو حجاج
الإضافة: الاثنين 2020/05/18 11:40:35 مساءً
التعديل: الثلاثاء 2020/05/19 04:46:30 مساءً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com