عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > انا وانتى

مصر

مشاهدة
180

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

انا وانتى

قلبي طول عمري الفانوس وانتي جنه...
انتى شئ صعب قلبي يحكي عنه...
ساكنه قلبي بدون مقابل....
وضع يد وغصب عنه....
انا وانتى القلب المرسوم بحجارة ماس...
والعمر المطروح بالثانيه من عمر الناس...
انا وانتى الخط الواصل والحد الفاصل...
بميزان حساس بين المحسوس وبين الاحساس....
والشريان النابض والدم السريان...
في عروق الجسم العريان...
البردان....
فى ليالى المظلوم بأيادى الظالم....
انا وانتى العٓاَلمَ والمعلوم والعآلِمِ...
الحاجه اللي تعلم حب الاوطان....
في الوقت الصعب وعز الغليان...
انا وانتي ريشه ودوايه وفرشه والوان ...
والمعنى الحرفي لكلمة انسان...
انا وانتى براح الكون وقت اما تديق كل الاوطان....
انا وانتى الجد ف وقت الهزيان...
انا وانتى السلم فى وقت الحرب...
والقسمه اللي الهربانه من ايد السلب....
انا وانتى معادله....
ملهاش في قانون الاراقام المقلوبه...
‏ ايها عدله...
وقت اما الدنيا بحالها تعجز....
نبقى شباب....
وقت اما العالم كله بيبقى صراب...
نبقى احنا الباب...
اللي بيفصل بين الصادق والكداب...
انا وانتى تراب...
بيطرح دايما حب واحباب....
دايما يدي من غير اسباب...
انا وانتي بخير مالناش فى الخوف...
عايشين من غير ماتفرق بينا اي ظروف.....
انا وانتى حروف....
والاسم المذكور فى القرءان....
فاتحين أبوابنا لكل العالم بأمان..
الطير اللي لا هاجر ولا تاه فى الدرب...
الطير اللي يغرد لو صمت السرب...
انا وانتى ناتج ضرب الايام مقسوم ع الغلب...
على هامش مسئله ناقصة على ورقة قرطاس اللب...
بعد القزقزه مع وصلة فشر..عبوه بالقشر....
انا وانتى الصدق وباقي القرطاس معجون بالكدب...
أبو حجاج

أبو حجاج قصيدة جديدة
بواسطة: أبو حجاج
التعديل بواسطة: أبو حجاج
الإضافة: الأحد 2020/05/17 10:25:59 مساءً
التعديل: الاثنين 2020/05/18 07:43:31 صباحاً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com