عناوين ونصوص القصائد   أسماء الشعراء 
الشعراء الأعضاء .. عامِّي > سورية > أحلام بناوي > مش كل مرة بتسلم الجرّة

سورية

مشاهدة
300

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

مش كل مرة بتسلم الجرّة

كرمال الله تطلع من القلب
من كل جسمي طلاع من راسي
أهلي اشتلقو،صفنتي بالدرب
شرودي،أدلّة تدين إحساسي
فراقك صعب لكن وجودك صعب
حبك خمر والقلب  نوّاسي
بتذكّرك والخد يقلب نار
أمي بسرعة تجيب كمّامي
لو تعرفي يا ميم شو اللي صار
قلبي انسرق وال سّارقو حرامي
ما بيكتفي بي سرقة الأعمار
داخل بذاكرتي وبمنامي
يمّي تعبت وهالقلب محتار
و كمّادة النسيان ما بتنفع
بسَكّر بوجه الحلو باب الدار
من قلب روحي عالهدا بيطلع
بوَعّي خيالي بنفض الأفكار
بس الفكر يا ميم ما بيسمع
بيشدّني يمّي ألف تذكار
صوبو وبيقلي تعي نشبع
شو قولكن بتفطّر البوسات؟!
عم بوّسو يمكن ألف مرّة
بشرب من عيونو من الوجنات
و بمنع خيالي يكسر الجرّة
بصحى ع أمي بهالكمّادات
تمسح ع راسي ت تمتم بكلمات
ووجهي خدودو جَمر محمرّة
ومش كل مرّة بتسلم الجرّة
أحلام بناوي
بواسطة: أحلام بناوي
التعديل بواسطة: أحلام بناوي
الإضافة: الأربعاء 2020/05/13 04:44:54 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com