عناوين ونصوص القصائد   أسماء الشعراء 
الشعراء الأعضاء .. عامِّي > مصر > صباح هادى > من فن الموال

مصر

مشاهدة
242

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

من فن الموال

*لما ظهرت النخل مال
عندى وبعتر سَماره
عوضنى عن خِل مال
فُتناه وعفنا ثِماره
*ريداك يا ولد الغوالى
قلبى فى حبك ما قصر
إنت اللى جبت الغِوى لى
لكن فى حبك مقصر
*كار المحبة دخلناه
من بعده شفنا العجايب
وكان عدوى وخِلناه
للود والحب جايب
*وِد المحبة حَفظته
رجعنى كلى معايب
والدرس منه حَفظته
لكن عمرى ماعايب
*يا حظ قلبى اللى حبك
عاشق ماتدرى بحاله
لما لبست المحبك
سلمت قلبك بحاله
* قطعت قلبى نساير
لأجلن أضلل عليه
قال لى وربك ماساير
وادانى درس أوعى ليه
* جرح قليبى ولا حس
صاحب العيون الكحيلة
ومشيت وراهم بلا حس
والقلب مابيده حيلة
* اسكت يا قلبى كما الناس
ع المر صابر وعايش
ياما! قمر حلو وناس
طفت جماله المعايش
* لما صابتنى الخيانة
تالت وخامس وعاشر
أنا اللى كنت الخَى آنا
نويت أفارق ماعاشر
*قلبى على حد سكين
ماشى وفارد قلوعه
رجعته للهم مسكين
مستنى لحظة قلوعه
صباح هادى
بواسطة: صباح هادى
التعديل بواسطة: صباح هادى
الإضافة: الثلاثاء 2020/05/12 07:39:44 مساءً
التعديل: الثلاثاء 2020/05/12 08:04:37 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com