عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > بصاحب نفسي

مصر

مشاهدة
158

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

بصاحب نفسي

بصاحب نفسي وقت ما تبقى الدنيا فراغ...
باخد نفسي واقول بلا ناس بلا قلب دماغ....
واسحب كرسي واحطه ف اي مكان على كيفي...
واحلف على نفسي واقول والله لتقعد ضيفي...
واضحك ليه واقولي اتفضل تشرب ايه....
واقولي يا أفندي واقولي باشا واقولي يا بيه...
يا راجل فك يعني القعده ف وسط الناس نفعتنا بايه....
غيرشي الوش و وجع القلب وحرق الدم....
فك يا عم...
بلا ناس بلا هم....
تعبنا مناهده تعبنا جدال...
واخرها معانده ولعب عيال...
والاحوال هيه الأحوال....
واسأل نفسي يجي الف سؤال؟..
يعني انت هتبقى من الابطال؟..
يعني لو الدنيا غير الدنيا كنت هتنجح؟؟...
كنت هتفلح؟؟...
فاكر نفسك لما هتكتب شعر لما تلقح....
الدنيا بحالها هتتصلح...
لما هتعمل نفسك بين العميان حد مفتح...
هتعلى وتكبر!!...
هتلمع اكتر!!....
كان غيرك اشطر...
دي دنيا يوم ما هتفتح ليك درعاتها....
لازم تدفع...
وأنت لا تقدر تدفع ليها ولا قد دورتها....
ولا عندك طاقة تساير بخطاك خطوتها...
ولا ليك فى الجو ولانتش لعيب...
ولا ليك محسوب دمن المحاسيب...
اللي بيلعب بيكون اصلا مالهوش فى الخوف...
اللي بيلعب لازم يلعب ع المكشوف..
طول عمرك بين كراكيب افكارك محدوف...
طول عمرك ع الهايف ملهوف...
نفسك تلعب لاكن مكسوف..
لا يقولو بتاع الشعر الخاين...
فاكر حالك اصلا حاجه....
ده انت بحالك اصلا مش باين...
الدنيا دى ليها صحابها ليها زباين....
فوق م الوهم...
وبطل تعمل حر وشهم...
قوم يلا فارقني...
واصحى يا عم...
مابقيتش طايقني..
حتى القعده كمان ويايا طلعت غم...
أبو حجاج

أبو حجاج
بواسطة: أبو حجاج
التعديل بواسطة: أبو حجاج
الإضافة: الأحد 2020/05/10 09:38:35 مساءً
التعديل: الاثنين 2020/05/11 06:01:48 مساءً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com