عناوين ونصوص القصائد   أسماء الشعراء 
الشعراء الأعضاء .. عامِّي > العراق > حسن الجزائري > يهلال هلّيله
حسن الجزائري
حسن الجزائري

العراق

مشاهدة
156

إعجاب
2

تعليق
0

مفضل
0

الأبيات
0
إغلاق
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

ادخل الكود التالي:
إرسال
انتظر إرسال البلاغ...

يهلال هلّيله

سِبط الرسول تعاينه مَرمي اعله تربان
يهلال هلّيله بِدت من هاي الأحزان
يهلال تِظهَر والگَلُب لسّاته مَهموم
مِنِّ الوِگِع عالمشرعه والصّدره مهشوم
وَأَحْنَه بُگينه أبلا حِمه من هِجمت الگُوم
وأطفال فرَّت مِنْ خِيَم شبَّته نيران
يهلال هلّيله بِدت من هاي الأحزان
ليلة مُصايب والسِّمه تذرفه دمعات
وأحسين للعِز يرتضي والذِّله هيهات
تِشهد على هذا الخطب أرض وسماوات
والظَّهره مكسور أرتجل وأيلاگي فرسان
يهلال هلّيله بِدت من هاي الأحزان
أنظر على الطّايح وأصيحن يزِّچيَّه
لو تشهدي حسينچ بُگه فوگ الوطيه
والخيل داست عالصَّدر بعد المنيه
وأملاك صلَّت عالگِظه للباري عطشان
يهلال هلّيله بِدت من هاي الأحزان
عبّاس وبصوب النَّهر تتخطفه سيوف
وأبراسه ضربوه بعمد وأتلگه الحتوف
واسكينه تُنظر للكفيل أمگطَّع جفوف
وأحسين يتعنَّه يريد ايغمض الاجفان
يهلال هلّيله بدت من هاي الأحزان
عِفت الخِيم مِتحُرِگه ووَّدعته عباس
نِصعد على نوگ الهِزل وأنتم بلا راس
راس السِّبط فوگ الرُمح وتعاينه الناس
صوت النّبي چن ينسمع من يقره قرآن
يهلال هلّيله بِدت من هاي الأحزان
آنه الرِّحت ويّه الرّأس للكوفه والشّام
لَنْ ادخَلِت لأهل الغَدر وابگلبي آلام
من أذكرت طبرة علي اتذكرت الايتام
هذا الحِصل يا دنيتي من أبن مرجان
يهلال هلّيله بِدت من هاي الأحزان
حسن الجزائري
ليلة 1 محرم ليلة ظهور هلال الحزن، انتهيت من كتابتها يوم الجمعة/23/10/2015.
التعديل بواسطة: حسن الجزائري
الإضافة: الخميس 2020/05/07 05:08:00 مساءً
التعديل: الخميس 2020/05/07 08:53:52 مساءً
إعجاب
مفضلة
متابعة
أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com