وداعي للأُخو بهاي المسيّه
|
وداعي يا علي حامي الحميّه
|
أخويه حسين مظلوم ........ يبويه أحضرنه هليوم
|
|
آنه زينب آنه بت سيد البريه
|
|
عُگُب جدّي وعُگُب أُمّي الزجيه
|
وعُگُب طبرة علي حامي الحميه
|
يريتك يا علي تشوف الرزيَّه
|
تعاينّي وأخوتي اعله الوطيَّه
|
وداعي للأخو من قطعوا الراس ...... وداعي للأخو أنده يعباس
|
وداعي الثغره ملچوم .......... يبويه أحضرنه هليوم
|
|
يحيدر خَيمتي اتذكرني بالباب
|
تذكِّرني ابوديعه بليلة مصاب
|
يبويه هم صعب من تُفگد احباب
|
والاصعب من تشوف بجسمه الخضاب
|
أصُب دمعه اعله دمعه وأبدي العتاب
|
وأقبِّل صدره واسجد فوگ التراب
|
وداعي للأخو والمُهره عطشان ....... وداعي للأخو اللِّي بصدره قرآن
|
وداعي وگلبي مهموم .......... يبويه أحضرنه هليوم
|
|
سمعتك يل گُمر طايح تعنِّيت
|
يخويه اللِّي حصل اعثر مِن امشيت
|
|
سُكينه تگلَّك ارجع يلِّ وفِّيت
|
اجيتك يل ابد ما ظنَّك انسيت
|
نساء وعايله عطشانه بَقِّيت
|
وداعي للأخو لمگطّع چفوف .... وداعي للأخو الجِّسمه امتله سيوف
|
وداعي وأرتجي أيگوم .......... يبويه أحضرنه هليوم
|
|
وِگع سبط النبي وأتغير الحال
|
بعد عِزّ وخِدر گادوني بحبال
|
شفت خيمه احركوه وبيه اطفال
|
واشوف اعله الثره اجساد الابطال
|
تركت المصطفى ودم سبطه السّال
|
يعاين راسه لن فوگ القنا انشال
|
وداعي للأخو الرَّاسه على أرماح ...... وداعي للأخو مِنِّ المِسك فاح
|
وداعي الذبحته الگوم .......... يبويه أحضرنه هليوم
|
|
ادور أبكربله عنّ أخوتي وين
|
گِظوا فوگ التُرب وأبلايه تكفين
|
كفيلي يم نهر وابلايه جَفّين
|
واعاين لَنْ سَهم نابت على العين
|
بُگيت آنه وحَرَم ننظُر للحسين
|
صريع ويفتدي دَم نحره للدين
|
وداعي للأخو من سحگته الخيل ...... وداعي للأخو مِن چَلچل الليل
|
وداعي الجسمه مهشوم .......... يبويه أحضرنه هليوم
|
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
