عناوين ونصوص القصائد   أسماء الشعراء 
الشعراء الأعضاء .. عامِّي > العراق > حسن الجزائري > أويلاه يا بو فاضل
حسن الجزائري
حسن الجزائري

العراق

مشاهدة
245

إعجاب
2

تعليق
0

مفضل
0

الأبيات
0
إغلاق
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

ادخل الكود التالي:
إرسال
انتظر إرسال البلاغ...

أويلاه يا بو فاضل

أويلاه يا بو فاضل
آنه جَيْتَك وأعرُف أشْصار اعله أيْدَك والنَّهرْ
يا خَليل حسين أنته ويا عضيده والظَّهرْ
أنته متّ اعله الشِريعه عِفت أَخَيْتَكْ بِالقَهَرْ
لا تِسائِلْ عالعقيله مِنْ رِجَعْ إله المُهُرْ
***
أويلاه يا بو فاضل
أعْتِنيلَكْ وأشتِكيلَكْ وأسْتِمِعْ هذا النِدا
أنْتَه تَارِكني وتِركْتِ العايِلَه ويَّه النِسا
والجّره بِطَّف عَجيبه والله ما يحْصَلْ إِذا
بِطُّفوف ألگه الفَقار بچَفْ أبويه المُرتَضى
***
أويلاه يا بو فاضل
يا بو فاضل آنه حَلْفَكْ بزِّچيَّه فاطِمه
أنْتَه رافُعْ رايَة الحَگ وأنته بنْ حامي الحِمه
لا وحَگ اللِّي خِلَقْ أَرْض ورياح وهالسِّمه
أرْدَ شوف الغاضريه مطوّفَه مِنّ الدِّمه
***
أويلاه يا بو فاضل
لا شبيه الغِيرِتَكْ يا بو الوِفَه نِعمَه الوِفَهْ
خلِّي سَيفَكْ يِلْتِوي اعله أرْگابهُم چنْ خاطِفَهْ
لكن الحالَه الشِّفِتْه حسين مَذْبوح الگَفَهْ
وآنه أتْرُكُّم لَيالي بِاليسُر وأمْچَتِفَهْ
***
أويلاه يا بو فاضل
مِنْ سِرِتْ للكوفه وأنْظُر بويه دارَك مِخْتِلي
أذكُر أيّام المَعزّه مِنْ چِنِتْ آنه وهَلي
هِسَّه آنه اعله الهِزل أنْدَه يَحيدرْ يا علي
أحْضَر الأيتامي ظَلَّت بِضِّمَه بَعد الوِلِي
***
أويلاه يا بو فاضل
يا گُمر هاشِم أعرفَك تِحضر بأصعَب مِحَنْ
والدَّلِيل أنته الشِّلِت نَعشِ الأُخو بِيوم الدَفِنْ
أرْدَ شوفَك مِنْ تحضِّر لي الجِنازَه والچِّفَنْ
لا تخلّيني بغُرُب مِثل الغُرُب ويّه الحَسَنْ
حسن الجزائري
على لسان السيدة زينب (عليها السلام)، انتهيت من كتابتها يوم الخميس/20/2/2014.
التعديل بواسطة: حسن الجزائري
الإضافة: الخميس 2020/05/07 04:32:59 مساءً
التعديل: الجمعة 2020/05/08 05:18:58 مساءً
إعجاب
مفضلة
متابعة
أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com