عناوين ونصوص القصائد   أسماء الشعراء 
الشعراء الأعضاء .. عامِّي > العراق > حسن الجزائري > خوفي
حسن الجزائري
حسن الجزائري

العراق

مشاهدة
172

إعجاب
2

تعليق
0

مفضل
0

الأبيات
0
إغلاق
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

ادخل الكود التالي:
إرسال
انتظر إرسال البلاغ...

خوفي

خوفي
أرجع يتيمه إبلا أهل .... خوفي
أبگه سِبيه اعله الهِزل .... خوفي
وأسمع أخويه ينچِتل .... خوفي
***
آنه زَينب والجِره بحالي عجيبه
مِنْ وصلت الكربله أرض المُصيبه
آنه وحدي بهل أرض وحدي غريبه
مِنْ وِگع راس الأُخو بشيبه الخضيبه
حيدر .... شِبلك خضيب امن الدِّمه
حيدر .... واينادي يا حامي الحِمه
حيدر .... وزينب تِنادي وتشتكي
خوفي
***
آنهَ مِنّْ أتوجهتْ صوب الشِّريعه
مِنْ طِحتْ أتلگّه الچفوف الگِطيعه
چَن أشوف حسينْ شايل دَمْ رضيعه
ورجَعِت اصرخْ وأنادي ليا فجيعه؟
أصرخ .... أبچي وأنادي وأنحبْ
أصرخ .... مِنّ انظر چفوف المحبْ
أصرخ .... أني الوِحيده بحيرتي
خوفي
***
رِجعت آنه اليتيمه بصدري جَرحين
جَرح مِنّ انظرِت فوگ الثره حسين
بَعد أكبر جَرح أتذكره الحين
جِسم مرمي وسَهم نابت على العين
خويه .... أگعُد وناظر للگُمر
خويه .... لمّن وِگع يم النَّهر
خويه .... أَعرُف نِهاية قصّتي
خوفي
***
راحت أيّام المُصايب والبُگه هموم
مُصايب ليل ما مرَّت على انجوم
يبويه أتذكرت مِنْ هِجمت الگوم
وأنظر حسينك لَوَنْ كِل جِسمه مهشوم
دَمعه .... آنه العقيله وأذرف
الدَمعه .... وأتوجه الصوب النجف
دَمعه .... آنه العليله وعلّتي
خوفي
***
آنه زينب بت علي ومحّد عرفني
مِنْ دِخلت الشّام كِلهه عاينتني
آنهَ خِتْ عبّاس هذا اللِّي كفلني
وآنهَ بالسّوط أنسبي وگلبي هضمني
گلبي .... أسمع يناشِد كِل هلي
گلبي .... وأصرخ يبويه ياعلي
گلبي .... احضر بُگيتَ ابلا ولي
خوفي
***
دِرِت لأرض النبي بعد الرزيّه
صِحت يم الگَبُر وين الحميّه
لچن صوت الصده يرجع إليّه
يگلِّي راح أخوچ بلايه جيّه
جدّي .... ضربوني حرگوا خَيمتي
جدّي .... وأگعد أبثلك شكوِتي
جدّي .... بس لا يمُر طاري السبي
خوفي
حسن الجزائري
على لسان السيدة زينب (عليها السلام)، انتهيت من كتابتها يوم الخميس/20/2/2014.
التعديل بواسطة: حسن الجزائري
الإضافة: الخميس 2020/05/07 04:28:02 مساءً
التعديل: الجمعة 2020/05/08 05:19:44 مساءً
إعجاب
مفضلة
متابعة
أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com