عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > احنا الاوباش

مصر

مشاهدة
202

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

احنا الاوباش

على قد ما حجم الكون ده عظيم....
ويساع القاصى والداني....
كش عليه... وما اتحملنيش...
والأرض براح وسعت ليكم...
نصبت ليه... محاكم تفتيش...
والدنيا بكل جمالها الهش...
طلعت كوم قش...
وانا ابره و وقعت م الحسابات...
إن رفعت راسها... تنضم لتعداد الاموات...
تتحاسب تدخل نار الدنيا بكل سوكات....
دونيتكو ماهياش سيعاني....
جنتكو ما هياش مجاني..
متحرم بابها على المظاليم...
جنة مراجيم....
ما بيدخلهاش إلا الجاني...
وحبة حاشيه وشلة معازيم...
لو انتو الانس..انا شئ تاني...
شئ مش متحمل كل الاشياء الوجعاني...
اجى اسبلكم اكره اخلاقى المنعاني...
خدتونا لنار العيشه ازاي. كده بالعاني!!....
اسعدنا يعيش العمر يعافر ويعاني....
الظلم ما هواش شئ رباني...
احنا الغاويين...
شرب الذول ولم الملاليم...
انتو السلاطين.أصحاب الأرض..
واكلين طالعين...
نازلين واكلين...
واحنا الشاهدين...
انتو الخالدين.بالطول والعرض...
اهل النياشين...
وبتوع الدين...
واحنا الطايعيين...
انتو المماليك...
أصحاب الفيذا.. ودفع الكاش...
واحنا السعاليق...و ولاد اوباش..
احنا اللي ما يقضى نهاره ف قهر ما يتعشاش...
احنا الجيل اللي لا شاف ولا عاش....
مجد الأجيال...
احنا اللي اتمنينا نكون ابطال...
سمونا عيال....
حبة اندال..
رسمولنا طريق ع النار من تاني...
وقالولنا دخول الجنه ما هواش مجاني...
لبستو الزور توب الاصلي...
ودخول جنتكو صبح حصري...
مقصور ع المجرم والجاني.....
واللي هينفد من ايدكو سليم...
محتاج عُمرين تحت الترميم...
الحد الفاصل بينا الموت....
والخط الواصل بينا ممنوع م الفووت...
أقل مافيكم بيكون جبروت...
يملك منا الفين هلفوت...
احنا الاوباش...
وانتو الوارثين كل الملكوت...
احنا اللي براح الدنيا بحالها ما اتحملناش....
والكون مع أنه عظيم جدا و استوعبكم...ما استوعبناش
أبو حجاج

قصيدة الشاعر ابو حجاج
بواسطة: أبو حجاج
التعديل بواسطة: أبو حجاج
الإضافة: الأحد 2020/05/03 05:22:47 مساءً
التعديل: الأحد 2020/05/03 05:58:03 مساءً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com