عناوين ونصوص القصائد   أسماء الشعراء 
الشعراء الأعضاء .. عامِّي > السعودية > سلطان الجالي > لا يهمك هم

السعودية

مشاهدة
180

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

لا يهمك هم

تقولو ضاق فالدرب الحليم
خلو المرتاح يسلم من عناي
أعترف للدرب للدمع السجيم
للقلوب الخضر لليل ومداي
للسؤال الصعب للراي الحكيم
للسكوت المر للحزن وشجاي
للمواقف للسوالف للكليم
للحزوم الي برى منها صداي
اعترف ماكنت ياليلي مقيم
لين ماعاينت للذكرى خفاي
كل يوم يمر في عمري قديم
تشهد الذكرى مواقيفه معاي
خل شاعر صب بالمعنى يهيم
يوم عذر الذنب مايبلغ رضاي
كان ياما كان ياطرق النعيم
لك ربيع القلب ياخذني معاي
لين ضاع الخير بالشر العميم
واصبح المضهود ماينشد جداي
ياعسى ذكراه للريح العقيم
تنتشل باقيه لين ابلغ هواي
ماتذر له شي إلا ك الرميم
ينقطع صوته ولايسمع وحاي
لين افرق بين قيضك والنسيم
واستثيرك لين ماتدرك صباي
ارتحلت العمر واثريت الخصيم
والقدم معقود ماغادر ثراي
يشهد الترحال عن حال المقيم
وكل درب وكل علم وكل راي
تشهد ادروب الطريق المستقيم
وتشهد الايام عن غربة مناي
وانت يامن صبت قلبي بالصميم
لايهمك هم مادمت بحماي
انصحك من حب للخير العظيم
وانت رايك معك ماتعلم خفاي
لاتلوم الوقت والحظ العديم
ولاتقول الهم يطفي لي ضياي
ولاتقول اني عن الدنيا غشيم
ولاتقول الحزن ينظر من وراي
ولاتقول اني على الغايه زعيم
قول انا حاولت عند الله جزاي
والتجارب مدرسة قلب الفهيم
هي على مسراي في دربي عصاي
وانت ماتدرك رخا وقت النعيم
لين ماتنجي من الذكرى نجاي
الفوايت ماكست متن اليتيم
والجدايد مقبس النور لضياي
سلطان الجالي
التعديل بواسطة: سلطان الجالي
الإضافة: الخميس 2020/04/16 03:53:43 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com