عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > ما اتخلقش للخنوع

مصر

مشاهدة
114

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

ما اتخلقش للخنوع

اعترافي بالهزيمه مش ضروري يكون خضوع...
ومش معناه انك عظيََمه أو يجوز ليكي الركوع.....
ومش هاندب حظي فيكي ومش هقيد دستة شموع...
ما انا مش اسير عندك...
ومش شهيد عندك....
ولا جامع عدي على عدك....
تفتكري انا هبقا على عهدك.؟! ....
او هلزم محراب الذكريات!!! .....
واسبح بعشقك المزيف.. واترحم على حبي اللي مات.....
لو عندك احساس اني انتهيت.. اسف.. مجرد تهيئات....
أنا منسحب من مملكه لسه ريحة الكدب فيها.....
منسحب من النهارده ومش هكمل....
لسه فاكر لما اول مره شوفت عينك ووثقت بيها....
لسه فاكر اول مره لمحتها ودمعك ماليها...
يومها دب الوجع بين ضلوعي وجسمي نمل...
من ساعتها لا يوم جرحتك.. ولا مره خونتك.. ولا قلبي همل...
كل ده يطلع مزور!! وقلبك كان مرتاح وراضي!!....ماشي عادي....
انا معترف اني مهزوم النوبادي....
صحيح طعم الهزيمه مٌر بس عادي...
لسه عايش رغم الهزيمه لسه هادي...
بس بكره جاي ليه وهو مستسلم وراضي....
عادي يعني مادمنا ما وصلناش النهايه....
ولسه يا دوبك بتبتدي بينا الحكايه...
واللي ما فرقتش معاه.. مستحيل يفرق معايه.....
المهم بكره نعرف مين هيضحك ف النهايه...
وبرضو بكره اكيد هنعرف مين اللي بادي....
يبقى الهزيمه الاولي ضروري.. تمر عادي...
عشان اللي جاي هيبقى مٌر.. مادمنا عدينا مرحلة الدموع......
يبقى بلاش تستعجلي نخب انتصارك ..
سيبي في الكأس حبة سعاده يمكن ساعتها يطفو نارك....
أنا مش هفارق مكان لقانا وفي انتظارك....
تيجي ليه وانتي راكعه وشايله همك.....
يومها َمش راح يشفي جرحي غير اني اذلك ....
واقتل في قلبك كل حلم بالرجوع.....
وتختفي غيامة سمايه وأئذن لشمسي بالسطوع.....
ساعتها بس هتعرفي أن اللي زيي ما اتخلقشي للخنوع.....
واني عادي يعني بعترف اني اتخدعت ف الدموع....
بس اللي مش عادي.. اني اسامحك.. او اني أرضى بالخضوع ......
أبو حجاج

عن الغدر والهجر
بواسطة: أبو حجاج
التعديل بواسطة: أبو حجاج
الإضافة: الخميس 2020/04/09 06:59:08 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com