عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > ارض الخوف

مصر

مشاهدة
105

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

ارض الخوف

فى ارض الخوف لسه بشوف سنين جاهله بتتملى....
ولسه بشوف نفس الناس بسحنتها اللى كرهنها بتتول
صناديق الخلق بتجدد وصندقونا جاى تفصيل....
تملى اصيل عن أصحابه ابدا مره ماتخلى....
هنا ياابنى فى نفس الارض....
اتربينا...
على الطاعه انها سُنه....
ولو ترضى تعيش مظلوم...
المظاليم يا بختيهم....
معاهم صك للجنه....
ولساها دايره بيناالايام بتتسالا...
ولساه العمر باقى لافات ولا ولى....
وأما جه ربيع العمر جه باير....
وعن الماضى اختلفت ملامحي...
واللى جاى مجهول و متغطى بستاير...
ملعونه دى دوره...
سنين عوره....
دانا الل ساكن أغنى مكان على الكوره...
بعوزي وفقرى بتعاير ....
عارفك شريفه لاكن باركه من همك....
وطول عمرك تدق طبول الحرب فوق راسك...
وانتى عفيه من يومك ولا همك...
بس انا برضو ليه عليكى عتاب....
شايفه شباب انحنى وشعره منه شاب....
بيدوق سنين القهر يلم المهر عايشها عذاب....
وان فكر يدوق عسلك تسقيه سمك....
وكتير منا عاشوها فى البلاد اغراب....
وان فكر فى يوم يرجع يقابله غراب...
نصاب نسج عشه فوق علمك...
يا ناسيه ناس بحكم العشره فاكرينك....
شباب ثارو عشان عرضك وفوق ارضك....
تنسيهم وتفتكرى اللى راكبينك...
يا فاكره النسر وحده هايزينك....
وفاكره الدقن وحديها تصون دينك...
ضحكو عليكى يا غلبانه ونهبينك....
ماحدش يوم شال همك وصان عرضك....
غير شباب باع عمره فى ميادينك....
شباب عمره لا باع ولا خاف ولا إدارى....
ورغم قسوة الاوجاع عاشو وماتو رجاله....
وقت الجد كانو وحوش....
ووقت الرقص اتحبسو ولا رقصوش.....
رقص الغوازي طبعها...
هتشوفه كله دلع.....
ورقص الغلابه من قهرها ....
هاتحسه كله وجع...
والناس بتشكي همها .....
كان يعني حد سمع....
ماتلومشي ع اللي باع جعان....
جوع العيال خلاه ركع.....
اللوم على الندل الجبان....
اللي بيشاور بلقمه وياريتها تكفي للشبع.....
يا بلادي يا حباله وبداله وزلاله وعاشقه الشيب...
مافيش اوطان مليها الخوف على لقمه تسد الجوف وتتعاعفا....
يا مأمنه على ولادك فى حضن الديب...
مافيش اوطان ليها تاريخ وتكون شرايطها سفاف....
رسينا على برك....
يا عاصيا وعيزانى ابرك...
ازاى ابات مرضان وفقير ...
وسهرانه انتي فى حضن غفير...
وعيزانى اصون سرك...
نفسى اعيش وضعك وانا راضى بظلم الناس.....
لاكن خايف عشان الدنيا لفافه ....
ولما يقولو كله تمام والعجله لسه بدئه تدور....
نقول ماشى نصبر حبه مايجراشى ومصيره يجى علينا الدور....
ولو مره اشتكيت حالتى اللى متسرش.....
وحيلى اتهد عشان شايل قربة فقر ما تخرش....
تلاقى الارض طرحت قرد يشهد زور...
وان يوم قولت طفح الكيل....
تعبت خلاص وشوفت الويل....
ياناس قزازتكم ملهاش زور....
نفس القرد يشق الارض ويقولك ياروح امك وحيلتها.....
عجبك عيش وانت اخرس ولو مش عجبك سيبها وغور....
هيجي اليوم طيور الخوف هتهجر خوفها وعشوشها...
وتكسر حبسة الأوطان.....
وتفرد طول جناحتها ويداعب الهوا ريشها... وتلعن فترة الكتمان....
وتبنى من إرادتها مساكنها وتفرشها... وترفع راية العصيان.....
وتبادل لوعة الاها بتغريده....
وتودع طعمها الماسخ بتنهيده....
وتبدء رحلة الحرية بوشوش كلها جديده....
طيور الخوف لو كسرت من زمان خوفها....
ماكنتش دائت ابدا مرارة الطغيان....
أبو حجاج

عن شهداء يناير
بواسطة: أبو حجاج
التعديل بواسطة: أبو حجاج
الإضافة: الخميس 2020/04/09 06:26:49 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com