عناوين ونصوص القصائد   أسماء الشعراء 
الشعراء الأعضاء .. عامِّي > مصر > أحمد شرف > كن في الصفقه صهيوني

مصر

مشاهدة
127

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

كن في الصفقه صهيوني

وصفقة أيه هعبرها
وأنا نفسي... بقيت بيعه
يبيعوا ويشتروا فيا
وروحي ساكته ومطيعه
***
مانا روحي خلاص ماتت
بتقبل أي شيئ .. وتبيع
وبتودع ... بكل برود
زمان الرغي والكلاكيع
***
أنا اللي زمانه لو ينصف
هتركع .. كل أعدائه
مريض يائس صبح عاشق
ومش عايز يسيب دائه
***
لا انا ناسك ولا راهب
ولا زاهد .. بقول أشعار
أنا اللي الأحا سبقاني
على اللي بشوفه كل نهار
***
ويجي زماني بيعاتب
وبيلومني على الأحا
ويقفل كل أبوابي
وليهم بس يفتحها
***
ياعم الشيخ ماتنصحهم
وغير عالورق أسمي
وشوف لعصايتك الناشفه
جسم شويه غير جسمي
***
أنا اللي تمللي تضرب فيه
وضربك له صبح عاده
وخيري وقف كان موقوف
لأهل الحظ .. بزياده
***
أنا راضي ... بصفقتكم
وهقفل بوئي.. وعيوني
وشرطي إني أمضي وابيع
أكون في الصفقة صهيوني
أحمد شرف
بواسطة: أحمد شرف
التعديل بواسطة: أحمد شرف
الإضافة: الأربعاء 2020/02/05 02:00:40 صباحاً
التعديل: السبت 2020/02/08 02:14:53 صباحاً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com