إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
في حضرة العمده... واقف الغفير ددبان... |
بشكاتب العزبه كاتب سطور بالزور.... |
متستفين ف ديوان.... |
وناظر العزبه ماسك عصاية الخوف.... |
بيهش ف الدبان.... |
وسيادة المأمور دبحولو اخر ديك... |
قبل الادان بزمان..... |
برك على ضلوعه... |
ما شفاش مرض جوعه... |
ورغم انتفاخ الكرش |
عمره ما قام شبعان... |
وابو العلا.... |
واقف زليل غلبان.... |
لابس همومه هدوم... |
أجير فى طحونة الدنيا... |
مهما اشتغل مذموم... |
بيسمع كلام مسموم... |
يشبع بحاف العيش وبيدعى ربه يدوم... |
متهان ومش غضبان..... |
اخدوها منك غصب ولا العطا كان جود.... |
ولا الكلام كان نصب على فكرك المحدود... |
نصبو المزاد علني والعله فى المظاريف.... |
فطلعت قرد سخيف... |
مالكش فى الحركات وبتاكل الموجود..... |
يا ابو العلا... |
شيخ العزبه بياكل بدينه عيش حرام... |
ف طبيعى يبقى شريك بالنص ف الإجرام.... |
على ايه بقى تعافر ..وتقول عليه كافر... |
والكفر قبله إيمان... |
يا ابو العلا..... |
طعم الرضا مرر...والفيلم متكرر... |
والمشهد المحذوف..بعد انتشار الخوف... |
مستنين فاطمه تحرر النسوان... |