إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
كالو ابغداد هزة ومادريت |
بالي مشدوه ابجميل اوصافة |
اهتزت اركاني علي اني ودويت |
ما دريت الهزة من اجتافة |
كسر كاروك الكلب طفل وبجيت |
ماسكاني الماي من اشفافة |
آه ياعين المها شايللي غيظ |
ياحلاة الزعل عون الشافة |
هم مثل خزرج يجي يوم وتهل |
مو بعيدة الاوس خل نتصافة |
اه ياشذر المصفى اشكد حرام |
عمت عين المايلمة وعافة |
واني كرخي وبالهوى طبع الحمام |
لازم ايبات بحضن رصّافة |
والله ياخصرك نحيل وخيزران |
انت جتال الهوى وتلافة |
وانت يافنجان كهوه ومشتهيك |
ماقريتة امحير العرافة |
هله يالكلك حلو وريحة ربيع |
ومن شذاك الجرح بلسم رافة |
زعل جوري وجككيته بياسمين |
حلو من ينزف عطر باطرافة |