ياللي عيونك دايم الدوم تدمع | |
|
| وتجمع من اوجاعك على طول تجمع |
|
ياقالبٍ وجهك على الكل اسمع! | |
|
| العمر اخرته كفن وسط تابوت |
|
|
انا اعاني، مثلك انا اعاني! | |
|
| واضحك عشان الناس ماهو عشاني |
|
واقدّر احساسي، واحشّم لساني | |
|
| عن زلّة الشمّات لاطوّل الصوت! |
|
ياما دفنّت الدمع وسط المخده | |
|
| واقولها تفرج بعد كل شدّه، |
|
واللي بنى في داخلي شي؟ هدّه! | |
|
| كنّه مناشبني على سكرة الموت |
|
|
صحيح اعصّب بس صدري شمالي | |
|
| وعلى كثر ماضقت طولّت بالي |
|
واللي محليني شقاوة هبالي | |
|
| احياناً العاقل من العقل مكبوت! |
|
فيني مزايا بس ما ابغى اتكلّم | |
|
| ابحتفظ فيها، ولاني بعلّم! |
|
على نبي الله .. صلّي وسلّم | |
|
| قد قالها الاعيُن تؤدي الى الموت |
|
وانا اخاف الناس، تعطيني العين | |
|
| والله عطاني شي واجد من الزين |
|
ماني بمغروره، ولا خاطري شين | |
|
| انا على كف الزمن حلم منحوت |
|
وانا خطر قادم على كل قادم! | |
|
| ومثلي يخُبّى عن عيون الاودام |
|
ولاناقص الا الحظ والحظ صادم | |
|
| تعبت اجر الحبل والحبل مفلوت |
|
انا غريبه! فعلاً انا غريبه .. | |
|
| هاذي حقيقه مابها اي ريبه! |
|
ان جيت ابضحك لازم ادفع ضريبه | |
|
| ورضيت بالواقع على طول يانوت |
|
وببقى كذا مهما عصاني زماني | |
|
| بضحك من قليبي لو اني اعاني |
|
لعل يوم الاقي اللي هواني | |
|
| اللي فراقه صوم ومواصله قوت |
|
السيد اللي طول عمره يكابر | |
|
|
يقول قربي موت واقول خابر | |
|
| لو ان قربك موت يامآحلا الموت |
|