عناوين ونصوص القصائد   أسماء الشعراء 
الشعراء الأعضاء .. عامِّي > مصر > سيدة الشولي > جرح غزة

مصر

مشاهدة
233

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

جرح غزة

يا مشاركة جدار الخِل وباب ..
قلبَك مقفول
أزاي عايزاه .. يوافيك وما فيك ..
من عزم الوجد أو الأشواق
غير حِس الغافي
وسور
وحدود؟!
أزاي يهواكي؟
وأنت اللي هواكي ..
طاعِن في الليل
بيقيم متاريس
وصدود
إيه ف عُرفِك معنى الشوق والحُب؟
ده الحُب وجود!
دَ أنا لما تخُدني إليها الآهة
وأنظرها بعيني جوه متاهة
ما استَجرِي ارفعها العين في حِذاها
ولا أقدر أبدا أوفي الشوق
منين تفتكروا شعور الذل .. يفرِّش ويسود؟
مين فينا ولائُه أصابُه جحود؟!
طبعاً مش أنا
وأنا إيه في ايديا يشُق الليل؟
أو إيه ف مقدوري
وأنا المغصوب ..
اشكر وأقول: لأبو سام ممنون؟!
وانحني لمداسه العمر سجود؟!
طبعا مش أنا
دَ أنا لما حلمت
وشئت
وقلت
حاكموني بتُهمة عِيب في الذات
وقالوا لي أزاي
تفتِتِني الروح .. وتصَحِي مَوات؟!
وعَطوني إقامة ..
فوق لِرْصِفة وخِيام الدود!
طبعا مش أنا
دَ أنا شِيلت المِخلَة
من وقتها تِخلَى،
غير من آه .. وآواه على الحُب
ومُصحف يستجدي المعبود
مش عَارفه أزاي؟
الحُب اللي نغَنِيه مَوَال،
من وقت حِلِمنا لما الآن
أتبَدِل حالُه درجة يمين وشمال؟!
والساحة اللي فرشناها بمسك
من طير العِز،
إنهال فوق منها تلال
من دَهس وهَبش ف حلم رجال؟!
مش عارفه أزاي؟!
اتبَدِل حالنا درجة صدود .. في صدود؟!
سبحانُه العالم والمعبود
النبي تحفظنا
الحُب لفظنا
ما أتبقى الخِل خليل ولا حتى .. الأخ لآخوه
غير خبص ونخر .. لآسافين .. يوووه
إن شاء تفسيرها العقل يتوه
النبي تِحفظنا
الصبر لَفَظنَا
الدفا بينز ..
ولا بَقَتْ الصرخة وصورة الدم تحرك حِس
إذا كُنا رأينا
الديب بِيعَضْعَض ناب ويجِز
وإحنا .. بلا حِس!
وبدال ما عليهم .. نجري نحوش في جبال الدم
طب نجري لإيه؟
مادام في الجري الوزن يخس؟!
ومش إحنا وبس .. زوار البيت ..
بقوا يجروا يحَوْلوا شاشة الدم لموضة وجنس
النبي تحفظنا
إحساسنا لفظنا
هاجر جوانحنا .. وفات مسامعنا
فعكسنا المعنى
وأتظلم قاتل من مقتول
وأتظلم حاسد من محسود
النبي تحفظنا
إحنا اللي رمحنا
والخلق .. شاهدنا
في أكتوبر وإحنا
بنغير معني
وبنقلِب موازين كانت ضد،
وصبحت معنا
وقعنا ازاي؟
فوق سيل مدامعنا!
يا حبيبة وفوق،
فوق فوق الكون
انهضي وامسحي م الفكر ظنون
صحصحي واعرفي حكم الدَيَان
وافهمي وانظري مين المَديون!
يا مشاركة
جدار الخِل أمال
خِلِك ولا زال
ما إنزال من قلبُه ماضيك والجود
وأنا زيُه مازلت
عشمانه ينشال .. مِن قلبك تُقل كبير لحمال
دَا نبينا موصي لسابع جار
اشحال؟
ما الجار ده أول جار؟
الوفا محسوب
مكتوب
كل الأفعال
والهوى مرصود
سيدة الشولي

كانت في عهد مبارك تضامنا مع فلسطيني غزة
بواسطة: سيدة الشولي
التعديل بواسطة: سيدة الشولي
الإضافة: السبت 2017/05/13 01:32:33 صباحاً
التعديل: السبت 2017/05/13 03:21:28 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com