إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
بجد إوعى تقوم يا شعب |
خليك مسلم دنيتك حتة شاويش |
وبالمره سلم أخرتك |
أهم حاجه إنك تعيش |
يا شعب إنت عند حكامك مفيش |
إنت أصلا ما تساويش |
يا شعب إرضى بالدنيه ف كل حاجه |
إدى أرضك ويا عرضك |
هديه سهله للخواجه |
يا شعب إوعى تقول كرامه |
إوعى تطلب مره حقك |
خليك تملى زينا |
دايما مآثرين السلامه |
إوعاك تقول دينى يضيع |
إوعاك تجيب سيرة بديع |
لازم تطالب الشاويش دايما يبيع |
خليك مطاطى ..... خليك وضيع |
خليك حمار |
وافضل حمار |
إوعاك تفكر ف اللى حاصل واللى صار |
خليك مطيع |
وما لكش دعوه م اللى بايع وأيه يبيع |
إوعى تفكر لو للحظة |
ف اللى مات جوا السجون |
اللى مات جوا البيوت |
اللى ميت ع الطريق |
مالكش دعوه مين غريق |
مالكش دعوه مين نصب أو مين سرق |
مالكش دعوه أيه بيجرى ع الورق |
عيش ياللا وارضى بالقليل |
ولو قمت يوم مالقتش نيل |
إحمد جنابنا إهتف لنا |
وما تفتريش |
لم نفسك ياض و عيش |