ياجيبي اللي على الطرقة مخاويني | |
|
| ناوي بسيره بعيدة يالله الخيرة |
|
أنشهد انك وفي دايم توديني | |
|
| أمسي بديره واكون الصبح في ديرة |
|
ياباني الصنع ماهو وارد الصيني | |
|
| يازين صوته اذا افترت تواويره |
|
لي شف في رفقة الاجواد مشقيني | |
|
| كب الذي رفقته شيشة وتعميرة |
|
رفقة نشاما من اهل الطيب والديني | |
|
| ممن يعظم كتاب الله وتفسيره |
|
رفقة هل الطيب تشرى بالملاييني | |
|
| ولا الردي رفقته تجلب لك العيرة |
|
والعاقل يعرف ويش الزين والشيني | |
|
| يمشي بعقله وتدبيره وتفكيره |
|
|
ياجمسي اللي لو اعطوني بلاييني | |
|
| ما بعته ابداً ولاني مشتري غيره |
|
له عندي اكثر من الخمسة وعشريني | |
|
| عاماً ومن زارني يحضى بتصويره |
|
جمساً موديله من التسعة وسبعيني | |
|
| الموتر اللي عريضاتاً مواخيره |
|
صنع اليهود المناجيس الملاعيني | |
|
| شرابة التبغ والشيفاز والبيرة |
|
اليا اشتغل يطربك صوت الشكاميني | |
|
| تقول طيارةً في جوها أمغيرة |
|
ون جيت ابزور لي ناساً بعيديني | |
|
| ناديت لعمير يتفقد مواصيره |
|
ويعاير الزيت ويشوف البلايتيني | |
|
| حتى ويعرف مدى قوة تغاييره |
|
واليا توكد من الجمس احمر العيني | |
|
| ثماًعطاني عن الموتر تقاريره |
|
دقيت سلفه وقلت اركب على ايميني | |
|
| نبغى نسيّر على مكرم مساييره |
|
ثم استلمنا طريق البر من حيني | |
|
| واعطيته النار حتى صفّر انبيره |
|
تقول ركاب فوق ام الجناحيني | |
|
| اللي لها بالسما حومة وتدويرة |
|
لا دست بنصه وهو في نمرة اثنييني | |
|
| حرّك ومن سرعته ثارت معاصيره |
|
ويا زين مشيّه وهو بين البعاريني | |
|
| في مهمهاً توها تنبت نواويره |
|
نمشي ولاحن بغاوين العناويني | |
|
| وجهاز الاقمار ما يجعلك في حيرة |
|
والياوصلناالعزيز ابن العزيزيني | |
|
| نسل الكرام الحشام وزاكي السيرة |
|
رحب وهلا بنا نسل الكريميني | |
|
| اللي سواة السحب عجة مباخيره |
|
ثماً قلطنا بمجلس ريف الادنيني | |
|
| المجلس اللي مولمةً مباهيره |
|
ادلال بناَ تقدم للمياميني | |
|
| وتمور ما كنّها الا الذّوب والشيرة |
|
مجلس يرودونه الناس التقييني | |
|
| عند الذي باذلاً للمجتمع خيره |
|
وجبنا له اعلومنا والناس مصغيني | |
|
| وعبر لناالشيخ عن حبه وتقديره |
|
وادنا علينا المعرب سمن وسميني | |
|
| من جود والشيخ ما حسّب مخاسيره |
|
ثم انصرفنا وحن للشيخ راجيني | |
|
| يلقي علينا من ادروسه وتذكيره |
|
والقا علينا دروس العلم والديني | |
|
| والشيخ له منطقاً ياقو تاثيره |
|
وشرح لنا بعض احاديث الصحيحيني | |
|
| والكل مصغي لمنطوقه وتعبيره |
|
مرات قال ابن باز وبن عثيميني | |
|
| ومرار قال المحدث في محاضيره |
|
ويحب سرد الادلة والبراهيني | |
|
| وايراد الاقوال في بحثه وتنظّيره |
|
وانهى دروسه ورحنا مستفيديني | |
|
| علماً بنمشي على ضوّه وتنويره |
|
ثماً رجعنا لديرتنا سريعيني | |
|
| بالموتر اللي بعيداتاً مشاويره |
|
والختم صلّوا على سيد النبيّيني | |
|
| ماحوّم الطّير في عالي مواكيره |
|