عناوين ونصوص القصائد   أسماء الشعراء 
الشعراء الأعضاء .. عامِّي > مصر > سيد يوسف مرسي > إياك تميل

مصر

مشاهدة
328

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

إياك تميل

يا اللي مسكت القلم
وبدك تقول مواويل
وبدك تمد الخطاوي
وما خفت القلم منك يميل
ولا تاخدك حروف الجر
تجرك شمال ومره يمين
وان جيت في يوم تتنصب
تلاقي بعد الشد تنوين
وتروح في سكون المدى
وتقول أكتب حروفي لمين
وتمد أيدك للحديد
جايز في يدك أمكن يلين
الواو سكن جو ضلوعك
ويكدب عينيك الميم
وتشرب كاسك من الهوى
وأول حروف الجمع جيم
وتلاقي الفعل متقسم
واحد ماضي وراح
وواحد لسه فيه سايرين
وواحد بالأمر ينفذ
ربك كريم ومعين
تبقي حروفك جمل
وتخط هوى للعاشقين
كأنك تبيع للناس الجوى
واللام تصير تعليل
والسابق كان مبتدأ
والخبر إمكن يجيه تأخير
والماضي جايز يتنسي
لكن العيون شايفين
ويمر بيك الزمن
متعدد التقاسيم
واللي غواه الحكي
طرطرب ودانه كتير
وان هبت الريح يجري
تنفخ في جسمه يطير
أما الرزين تقلان
والكلمة ليها تعبير
أما الفواصل نقط
والنقطة ليها تدبير
تركب قطار السفر
وابن الأصول يشير
واللي دراعه انكسر
عايز أبوه يشيل
وان حطت عالكتف حمولك
إياك تقول محاميل
يا ما كتير أنكوي
من كثرة الدماميل
إياك تبيع من غير شِرَي
وتخلي الكلام ملاليم
الحرف التقيل يتوازن
من الدر ليه قناطير
ويا ما كتير أتوزن
والسعر كان هلين
أوعي تكون مغتصب
ابن اللئيمة جهيل
بيقولوا العلام بالقلم
والشعر ليه دواوين
والرسم كان علي الحجر
عمره ما كان تراتيل
واللي بنا لينا الهرم
كان مصري بالتأصيل
دهشت صدور البشر
ومن يومها لينا تهليل
ولا كل اللي نال علامه
ولا كل اللي ليه تأويل
ارحم فؤادك واهتدي
مسك القلم تفنين
ولا يبقي الكلام شخبطه
ولا يبقي العلام تجهيل
ياما الطبول لينا دقت
أما العبيط يراه تهويل
خليك يا خلي فطن
وابعد عن التقيل وشيل
عاد نحتوا جوف الحجر
وتحت العماد ساكنين
والبحر لما انفلق
فرعون قال أكيد داركين
أما العصايه كانت خشب
والسحر كان تعابين
يا بخت من قدر وعفا
بعد الغضب ويلين
ويكون رقيق القلب
والصبر عنده جميل
أصله الفؤاد أنكوي
لما بشوف مهابيل
القلم يكون مردمه
لما الضمير يميل
العلم أصلا موهبة
والقدرة في اللي يشيل
والتقوى تبقي لربنا
والحمد ليه تبجيل
إياك تروح للقلم
وتكتب حروفك شين
سيد يوسف مرسي

عامية
التعديل بواسطة: المراقب الإداري
الإضافة: الجمعة 2016/08/26 02:00:37 صباحاً
التعديل: الأحد 2021/06/20 11:36:35 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com