عناوين ونصوص القصائد   أسماء الشعراء 
الشعراء الأعضاء .. عامِّي > السعودية > محمد بن عمار > فخ الهوى

السعودية

مشاهدة
794

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

فخ الهوى

الله أكبر على وقتي وتنكيدة
ماصفا ساعة ٍ أرتاح، في رقادي
ضيقة ٍ جددت بالفكر تعقيدة
والمواجع تزوّد جسمي اجهادي
أنهك القلب هم ٍ طال تخليده
وآتصبّر وأشوف الصبر مافادي
حالي اللي كسرني زاد تكبيده
بالخساير وصارت شيئ معتادي
بأول الأمر، أنا ماخذت تهديده
يوم لمّح لي، بهجران وعنادي
منوة الروح قلبي ليته ايعيده
كيف يرضى، يصادر مني فوادي
كان يرضيه سلب القلب وتجريده
شوق حب ٍ لشوفه صار وقادي
منهو ..! اللي يقدم قلبه بإيده
فدوة اللي، له الخفاّق منقادي
وش يفيده عذابي، يومه ايزيده
دام يسمع لصوتي له وأنا، أنادي
ظني اللي خذلني، فيه، تأييده
وآتذمر، وخوفي، صار يزدادي
إنشدوا عاذلي وش هي مقاصيده
يوم حرّمت أنا شربي مع الزادي
قلت أبا اهنيّ، المحبوب في عيده
يمكن العيد هذا، غير الأعيادي
جبت فخ الهوى من شأن با أصيده
صرت انا اللي بفخ الريم منصادي
به حلا ً لو بغيت أشرع، بتعديده
ما هقيت،، إنها توفيه الأعدادي
وماثناني، عن أوصافه وتفنيده
إلا خوفي تصيبه، عين حسادي
له ثليل ٍ على الأمتان تجعيده
والعطر دهن عود، ونفحة الكادي
منتهض، بأسفل الحيزوم تخديده
فيه شارات، من بلوّن منطادي
والعنب مستميل ٍ في عناقيده
من عروش ٍ زمت في روس الأنهادي
والشفايف، تزيد الوضع تصعيده
رسمة الخط الأحمر لونها هادي
إن تكلمّ، سبى عقلي بتغريده
وإن تبسّم، أسرني غاية مرادي
لملهم الطير، تسبيحه وتحميده
رافع ٍ فوق خلقه سبع ٍ شدادي
بأشتكي من ظلم خليّ بتعويده
كلما اسعى لقربه، زاد في بعادي
محمد بن عمار

مازلنا نسبح في بحر الهوى والغزل
التعديل بواسطة: محمد بن عمار
الإضافة: الجمعة 2014/02/07 12:15:36 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com