عناوين ونصوص القصائد   أسماء الشعراء 
الشعراء الأعضاء .. عامِّي > السعودية > صالح بن عمار > حالب النمله ..!

السعودية

مشاهدة
605

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

حالب النمله ..!

الدروب كثار والمعنى غشاه.
القهر في صدر شاعر ذمها.
الحقيقه ... في مكاسبها اشتباه.
واضحٍ لي .! نوعها من كمها.
آه ياعودٍ ...... ونينه في وحاه.
شب صدري .! من جروحٍ لمها.
شايبٍ بين الملا يسحب عصاه.
يشتكي جور السنين ... وهمها.
ماتوا اعياله . وقامت في عزاه.
العجوز .... اللي ولدها عمها.
منزله تلقاه ... بصدور الرواه.
في سنينه ..... كل قصه وامها.
جيت يمه .. ودي اخفف عناه.
وابتسم فرحه ...! وكفي خمها.
أسترحنا .! قال وقتي في جفاه.
جوني أحفادٍ ... مرضها زمها.
الاصاله .... بين حافين ورعاه.
والبلا ..! من حيةٍ في كمها.
لي قبايل من زمن كانوا دهاه.
بس جور الوقت .. مال ولمها.
من سلم منهم على حد الوفاه.
والضحايا ....! سمها من دمها.
نملةٍ دِبَت على طويق وحصاه.
كم ذليلٍ .... ساق رجله يمها.
حالب النمله .. زمانه ماعصاه.
بالمصالح .... لقمته من فمها.
لابسٍ تاج الخديعه .. والعباه.
شحذةٍ جاته في عقلك سمها.
والغريب اللي جفاه الاتجاه.
يبس اعروقه .. ذحاحٍ سمها.
بين قدحة زند.! ونيّات الهواه.
دخّنَت .! في صدر وجهٍ شمها.
كل مادح لو تبي تبحث وراه.
عند غيرك روح ذاتك ذمها.
للمدح شاعر يبين لك وفاه.
في حضورك في غيابك تمها.
اختلاف الوقت حتى بالدعاه.
الأئمه ..... كل بلبل أمها.
شوف ماشفته .. وميّز بانتباه.
بالبشر وش خصها وش عمها.
قمت ضايق والفكر غيم سماه.
لجت ارعوده .. وقلبي ضمها.
التفت وقلت .! يالعود الغناه.
لو تعيش الروح وقتٍ غمها.
صالح بن عمار
التعديل بواسطة: صالح بن عمار
الإضافة: الاثنين 2014/01/13 12:27:40 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com