عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالعزيز الشاطري > عقلي هناك .. مرثية أخوي

السعودية

مشاهدة
555

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

عقلي هناك .. مرثية أخوي

يا ذيب ياللي تعلّيت المراقيب
ما جبت لي علم عن ذيبٍ تعداك؟
ذيبٍ يعشيه ناب العز والطيب
زاد بْعلوم المراجل عن مزاياك
لا قلت نشمي على اسْمه تربية ذيب
ذيبٍ ولد ذيب بالافعال شرواك
من يوم روّح بقدرة عالم الغيب
في داخلي كل ليله صيحة عواك
ودي اخاويك لكن فرية الجيب
شوفك يطرّيه لي وادعي بفرقاك
لكن خلك وجاوبني وانا اجيب
اعْواي همّ وحزن وعْواك عشاك
فرقى الحبايب يهزّ القلب تعذيب
ياليتني معك يا نشمي ولا نْعاك
من بعدك اشوف دنيايه مكاذيب
لانّي مكذب خبرك اللي تولاك
ماني مع الناس لآ اودّي ولآ جيب
بالجسم معهم ولكن عقلي هناك
في مجلسك والسوالف دون ترتيب
عفويةٍ ودّها ماتْفارق شفاك
وْقصايدك والرسايل والمكاتيب
وْشاطي بحر ينبع المشتاق لقياك
وْضحكاتك المشرقة بشفاك ماتغيب
وان ضقت محدٍ يشوفه من محياك
ياكثر ما زارني من بعدك الشيب
وْياكثر ما زرتني والحلم ملفاك
لا مرّ طيفك عليّه وضعي صعيب
وارتاح له وان توخّرت آتحراك
والله مانساك مع كثر الاصاحيب
حتى ولو جنّ عقلي منك مانساك
لو القدر فيك تكفيه المطاليب
يا كثرهم فالوطا ياخذهم فداك
ياجعل روحك شذاها العطر والطيب
وْرحمات ربي عن النيران تاقاك
عبدالعزيز الشاطري
التعديل بواسطة: عبدالعزيز الشاطري
الإضافة: الخميس 2014/01/09 01:37:21 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com