عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالعزيز الشاطري > قماش الفقر

السعودية

مشاهدة
467

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

قماش الفقر

الكون مظلم ونجمك غاب يا ساري
وان بان تتعب ولا تمشي مع دروبه
يسري على دارٍ ماهي دارك وداري
لو شعّت انواره بدنياك محجوبه
دونه غيومٍ خبرها مرّ بالطاري
تبرق وترعد لها بالخير مصحوبه
مرّت وراحت .. وراها الطامع الشاري
تسوقها رياح يمّ ديار مرغوبه
وآخيلها كل وقت يمين ويساري
وْيبست شفاه الشجر والدار متروبه
وامسيت اقلّب كفوف ارياي واشواري
والهمّ يشكي وانا ما زلت مطلوبه
في كل ليل يتصلّى بي على ناري
يشوي والاوجاع مستوية ومقلوبه
لين اكتمل من لهبها عقد وسْواري
والجسم منحوت والآمال مصلوبه
والراي مسجون والتفكير محتاري
والعلم فالقيد والانظار منهوبه
واليا تلفّتّ حولي سجّت افكاري
راحت عوانس وجات ابكار مخطوبه
كلٍّ مهرها تغض الطرف وتْدّاري
لكن غطّن على اللي وافقن عوبه
الورد يذبل وغصنه فاقد الذّاري
ساقيه سدّه ودسّ الناس عذروبه
قاموا يحطون له من قوّ الاعذاري
من خوف ما يرسل الفلاح مندوبه
كبودهم ظامية والحزن سهّاري
والحال مستور والاوضاع منكوبه
اللي تمسّك طرف ثوب الشقا عاري
واللي يفصّل من قماش الفقر ثوبه
ياللي لك المشتكى يالخالق الباري
تغفر لمن يشتكي لك كثرة ذنوبه
عبدالعزيز الشاطري
التعديل بواسطة: عبدالعزيز الشاطري
الإضافة: الأربعاء 2014/01/08 11:40:37 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com