عناوين ونصوص القصائد   أسماء الشعراء 
الشعراء الأعضاء .. عامِّي > السعودية > محمد بن عمار > الحر تكفيه الإشارة

السعودية

مشاهدة
1441

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الحر تكفيه الإشارة

زارني طيف الحبيبة في منامي ثم سلمّ
وإنتبهت وقمت أهليّ به وأرحّب بالزّيارة
من شديد الفرحة بترحيبتي قمت آتلعثمّ
يوم مدّ الكف وصافحني بترحيب وحرارة
وأبحرت عيني بعينه يوم طالعني وسلهّم
وإندفع دمع ٍعلى خدي شديد ٍ بإنحداره
وقلبي الولهان في صدري من الرّجفه تحطمّ
ايتشهّد به اجروح ٍأعلنت يوم إحتضاره
قام ايعاتبني وأنا أبكي من عتابه وآتألمّ
مادرى إنه لو تعذّر كان يكفيني إعتذاره
قلت له حالي نحيله يالغلا والله يعلم
وأشّر بكفيّ على جسمي أورّيه الأماره
خاف ربك ياظنيني كيف ماتاوي وترحم
شوف حالي عقبكم والحرّ تكفيه الإشارة
ليه يالغالي تعذّب من يحبك وأنت تفهم
إن يوم مقابلك له مدة ٍ طال إ نتظاره
منك أبي نفحة غلا تدفي عظامي لوتكرّم
ومثلها لفتة نظر،ترد للحال إعتباره
صد ّ!عني بكبرياء، وماتركني آتكلمّ
صرت واقف آتجرّع من سواياه المراره
وقّفّ! التفكير ولساني عن الهرجة تبلمّ
وشمعة الفرحة طفت والوقت ظلّم بي نهاره
ماهقيت إن الغلا صرحه على طول ايتهدّم
لين حبي اللي بنيته عشت لحظات إنهياره
قمت أكفكف دمع عيني يوم لفراقي تولمّ
وكل واحد ودّع الثاني بطوعه وإختياره
وإرتخت منه الغطاة اللي بها كان ايتلثمّ
ولاح برق ٍمن خدوده يجهرالعين إنتشاره
قلت أنا هذا النعيم اللي به محمد توهمّ
وإلا هذي جنة ٍمنها الجنا طابت ثماره
وإنتبهت وقمت من نومي وإلاني آتحلمّ
قلت أنا يالله دخيلك فرحتي راحت خساره
محمد بن عمار
التعديل بواسطة: محمد بن عمار
الإضافة: الجمعة 2013/02/15 04:09:39 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com