عناوين ونصوص القصائد   أسماء الشعراء 
الشعراء الأعضاء .. عامِّي > السعودية > محمد بن عمار > العنود

السعودية

مشاهدة
573

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

العنود

وآعذابي أنا، من شوف، هاك العنود
جادل ٍ في نهار السبت وافيتها
ما لقت غير أنا من بين كل الحشود
ترسل سهامها اللي، ماتحاشيتها
من عيون ٍ هدبها مثل صف الجنود
صابت، أهدافها، بدقة تواقيتها
افضحتني العباير غصب فوق الخدود
يوم جت عينها، بعيني، وهلّّيتها
والمشاعر بصدري في نزول وصعود
تكشف أشواق حب ٍ كنت قاسيتها
آآآه، يا وقتي اللي راح، كله نكود
فيه، زهرة شباب العمر، أفنيتها
محبط ٍ المساعي، كلها والجهود
في الهوى والمحبة، نفسي أشقيتها
آتصوّر خيال الترف وسط السجود
حتى نفسي عن الطاعات ألهيتها
الخطأ واضح وعندي دليل وشهود
كم وكم غلطة ٍ زلتّ ولا أحصيتها
والمحبة بقلبي، كل يوم ٍ تزود
بّينه، في عيوني، مهما، أخفيتها
ليت سيد العذارى بالمواصل تجود
ترحم، اللي كواه الشوق، ياليتها
كود عهد ٍ مضى لي في المحبة يعود
ترجع أيامنا، اللي، قد تناسيتها
الصبر! انتهى،، ماله بقلبي، وجود
وش تفيد، الأماني، لو تمنيّتها
أشتكي منك لك ياللي بديت الصدود
شوف حالي من الهجران أضنيتها
والله إن القدر في الصدر، ماله حدود
رغم هفوات هجر ٍ، منك عانيتها
أسهر الليل كله، والخلا يق رقود
مشغل البال، وعيني لأجلك أبكيتها
يوم هبّ الغلا في الجوف نفحة ورود
في عروقي، رياح الودّ شمّيتها
مشعل ٍ لا هب الفرقا، كلام الحسود
كلما جت، بتطفي النار، شبيّتها
شوف وسط الحشا تصلاه نار ٍ وقود
ما تجمّلت .! لأجل الله، وطفيّتها
محمد بن عمار
التعديل بواسطة: محمد بن عمار
الإضافة: الجمعة 2013/02/15 04:03:20 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com