عناوين ونصوص القصائد   أسماء الشعراء 
الشعراء الأعضاء .. عامِّي > السعودية > محمد بن عمار > الفصول الأربعة

السعودية

مشاهدة
764

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الفصول الأربعة

إن كان كل ما نشتكي ضرس ٍ نروح ونشلعه
فهذي مصيبة لابغينا الزاد وش نأكل عليه
الصبر، به طب ودواء، للي يريد المنفعة
ولحمه ودمه له أمانة، في يده محد ٍ يجيه
لوهو زرع في كل يوم ٍ بالفصول الأربعة
ما جاد له لو نصف محصوله لحول ٍ مشتقيه
والحَبَ دايم يرجع لبذره حسب ما تزرعه
وترى الحصيف اللي يميز كل نوع وينتقيه
وإلا الولد،، مهما كبر باللين ممكن تقنعه
ما فيه أحد عايش بها لدنيا بلا عيب ونزيه
حتى العقول أرزاق، من عند الإله موزعه
واللي إنكتب له في جبينه، لازم إنه يلتقيه
ولكل إنسان ٍ، بعنقه طائر ٍ، ملزم معه
من وين ما يمشي يراقب كل درب ٍ به مشيه
وراعي النمايم والله إن ودك لسانه تقطعه
إذا نقل، بين الولد وأبوه، هرج ٍ مجتريه
ياما أبو من عقب فرقا ابنه تهامل مدمعه
وياما عجوز ٍ ساهرة طول الليالي تحتريه
وندري بأن الحر مهما طار، وكره مرجعه
وإلاّ أبرق الريش إن تبعّد في مطيره بيتيه
والرجل ما ودّك يجي صلف ٍ ولا هو بإمّعه
ما بينهن، يروز نفسه لا لذيك، ولا لذيه
وكل من تواضع عن كبر حق ٍ على الله يرفعه
في مركز ٍمرموق بين الناس وحال ٍ يرتضيه
محمد بن عمار

مناسبة القصيدة عن مشاكل الأولاد ،،
التعديل بواسطة: محمد بن عمار
الإضافة: الأربعاء 2013/02/13 04:53:39 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com