عناوين ونصوص القصائد   أسماء الشعراء 
شعراء العامية في العصر الحديث > السعودية > فيصل بن منصور الرياحي > اخويي

السعودية

مشاهدة
980

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

اخويي

ياخويي جعل رحلتك مامونه
وش عطتك أم العنا من تجاربها
والله إني معك والنفس مفتونه
فتنةٍ مانته بعارف سبايبها
دك في صدري هواجيس مجنونه
ياوجودي يوم هبت هبايبها
مير خل الجيب يمشي على هونه
أتفرج فالديار ومضاربها
زين بعد العصر لفة دركسونه
للديار اللي وساعٍ مناكبها
والمسا في جال وادٍ تحبونه
علته غر المزون بسحايبها
له سنه وأهل الدبش مايطبونه
ماتوطته النعيم بكوالبها
زاف عشبه والشجر مالت إغصونه
تلعب طيوره وقلبي يلاعبها
خاطري مرتاح والنفس ممنونه
ماتعاتبني همومي وأعاتبها
أتسلى والمقادير مضمونه
ماكتب للروح لابد صايبها
ياخويي خل الأشغال مركونه
لاتذكر وش ظروفك وتحسبها
المشاغل تشغل الفكر وتخونه
عاقبتني قبلك الله يعاقبها
ودني رجمٍ تولعت بركونه
منوةٍ للقلب والعين يذهبها
شامخٍ هام أسود الريش من دونه
والذيابه فيه نلقى ملاعبها
ليا بديته هاجسي عد طبلونه!
وحاضر الأبيات نادا لغايبها
تزدحم في خافقٍ جاب مكنونه
والله مايمديني أكتب وأرتبها
أستهيض وتنطلق كل مسجونه
ويتوسع خاطري يوم أهيض بها
قمة المبدا من الجن مسكونه!
وإنشد اللي ياخويي مجربها
فيصل بن منصور الرياحي
التعديل بواسطة: ملآذ الزايري
الإضافة: الثلاثاء 2013/02/05 02:14:40 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com