 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
ادخل الكود التالي:
انتظر إرسال البلاغ...
|
| من الشباك .. |
| تمد ب: مرحبا بك ايدها أُمك . ولا تلقاك .! |
| ثمان سنين .. |
| والشباك ما يفتح ل: احد .. الا لها |
| ويا ليتها تلقاك ..! |
| تصدق عاد .. |
| من ترفع يديها للدعاء . والمغفرة تلقاك؟! |
| تحت اقدامها، وتدعيك: |
| وليدي قوم ل: فراشك .. |
| حمد يمه .. |
| فديتك قوم . يا يمه .! |
| وانا اكسر خاطري، وما اقول: |
| يا يمه . انا برّاك .! |
| واظل اشبهك، وارعاها .. |
| واقول: |
| شوي يا يمه . بعد ما اسقيك من زمزم .. |
| وبعد ما تبلّعي حبوبك .. |
| بروح هناك .. |
| للجنه تحت رجليك .. |
| وتنسى لا تلملمني معاك، ف: اي دعاء هو لك .. |
| واروح هناك .. |
| مثل شرشف صلاة أُلقي على ه: الأرض .. |
| مثل حِنا يديها اللي تخبي ريحته في كيس .. |
| وتلّف الكيس بشماغك . وتتحراك .. |
| ليومٍ فيه نتزوج .. |
| أنا .. |
| وياك ..! |
| هنا |
| وهناك .. |
| اقلب كل جدران الغرف . واقراك ..! |
| وارد اقراك من غرفه .. |
| إلى غرفه .. |
| إلى غرفه .. |
| عشان أحيي بها ذكراك .. |
| هنا: |
| ياما كثير أبكاك . وأبكاني ..! |
| حداد أُمي، وبرد اليُتم، والليْ أبكاك .. |
| وهنا: |
| ياما اجيك من اللعب ف: الشارع أبكي لك .. |
| من أية جرح . ينزف دمه من يدي .. |
| وتلف الشاش فوق القطن .. |
| وانسى من حنانك وخزة الاشواك .. |
| وهنا: |
| باقي بعض أشياك .. |
| وهنا: |
| توقف على الشباك .. |
| اناظر لك . تناظر ديمه تتحراك .. |
| ولما تنتبه لي .. |
| ترتبك .. |
| تغلق على أيدينك . يا خيي فُرجة الشباك ..! |
| تصدق عاد .. |
| اخاف امك، تموت احيان بين ايديّ .. |
| وتترك حلمها تلقاك .. في نومي ..! |
| واظل القاها ف: احلامي، تعاتبني .. |
| من الشباك .. |
| وتسألني: |
| أنا هو ليش ما ألقاك؟! |
| حمد |
| ياخوك رد البيت ...! |
| ابي اسمع ف: حس أُمي .. |
| حنين اسمي |
| بِ: صوت أُمي .. |
| كثر ما اغفى تحت اقدامها، وتصحى .. |
| تصحيني .. |
| عشان اقوم ل: فراشي . وتدعي لي .. |
| بِ: دعاء هو لي ..! |
| تعال وقول: |
| هذي الشمس بالونه، نفخها النور . طَيَّرها .! |
| عشاني ف: عيد ميلادي .. |
| بصدقها .! |
| مثل ما كنت اصدقها . وحنا صغار .. |
| تعبت اشبهك ف: غيابك، وحنا كبار .! |
| واقلّد مشيتك ... |
| وخطاك .. |
| لِ: ان أُمي تحب تحياك .. |
| حمد |
| حمد |
| تكفى تعال أحياك؟! |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
