عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالعزيز محمد المالكي > بوكيه ماء

السعودية

مشاهدة
1038

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

بوكيه ماء

تجين ..
ويرجف الماء .. ينسكب بوكيه ورد .!
وتشهقين ..
واتبلل بِ ارتباكك ..
مدري خوفك ..
مدري إستحياء متخبي ف شوفك ..
لا تلمين الندى تبرد كفوفك ..
اترُكي ..
كل شي مثل ما هو عليه ..
ما حصل الا الحنين .!
وكلها
بوكيه ماء ..!
انسكب . شفته على ثوبي تشكل ياسمين ..
اجلسي ..
خليني اطلب لك شوية أوكسجين ..
وكاس ماء ..
طمني كلك . وخوفك، ما حصل إلا الحنين ..
إلا قولي:
قبل م: انسى كل هذا الليل في رقة جفونك ..
وش بغيتي تشربين؟!
قهوة مثل اللي ف: عيونك
والا نتقهوى عيونك ف: الحديث اللي بِيجي ..
اجلسي ..
ه الكرسي من اول حزين . وحيل فارغ .!
سيدي النادل ..
هات لي بعض الهدوء .. وكيك تين
كيكتين؟!
لا يا عمي كيك تين .!
وارجع اتأمل سكونك ..
وكنتِ انتِ تضحكين ..
آآآآه . يا حلوك عليها ..
قلتي: وش هي؟!
قلت لك:
ه الضحكة اللي كنتِ فيها . تورقين
اذكر ان الليل . هيل
والتثاؤب ..
كان يدبي في ملامح نادل المقهى الكئيب ..
وكنا حنا اغلب الاكثر نناظر . ساكتين ..
وما سمعتك .. قلتي ويش؟!
قلتي: بمشي .!
قلت: ليش؟
قلتي:
صرنا بعد ليل ولازم احكي .. ل: اجمل احلامي عليك .!
طب و رمشي .!
خلي في كونه . عيونك ..
قلتي: بس .!
الله يخليك لعيوني ..
ورحتي تمشي ..
ورحتي تمشي ..
ورحتي تمشي ..
لين ما غبتي ف: عيوني ..
وما سألتك نلتقي بعدين . وين؟!
عبدالعزيز محمد المالكي
التعديل بواسطة: عبدالعزيز محمد المالكي
الإضافة: الجمعة 2013/02/01 02:19:54 مساءً
التعديل: الأحد 2013/02/10 11:05:40 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com