 إبلاغ عن خطأ
ملحوظات عن القصيدة:
انتظر إرسال البلاغ...
|
| شديت فراس الخيط |
| وبندقت لو |
| باش يعطيني الطوع |
| نسيت بلي هو حرير |
| وقلت شنو خبلو |
| ونسيت بلي صوتي مسموع |
| قلت نغوص فالضو الهايج |
| ونروى فالنور المايج |
| نغارد تخمامي |
| ونقل عقلي ونفخم مقامي |
| وحطيت راسي قدامي |
| وتخمامي |
| وتسنيت باش ياتيني الله |
| قلت اراسي |
| ها الصورة مسقما |
| ها النور ساطع فالارض وفالسما |
| كل ماقلت يوقف |
| يزيد يسطع |
| والما عطشان |
| غير يزيد يبلع |
| بين الطين والنور مداكة |
| بين الصفا ولخواض مشادة |
| بين الشهاو ي ولحلامات |
| خصامات ومعانقة |
| لخيال ومنابع الضو |
| فعندي عندك |
| والشيطان حاط ميات زلاقة وزلاقة |
| يقول زلق وربك يرفق |
| وفلمرايا الصفا |
| يعرفوه وجوه لخواض |
| والشيطان ما يهمو شيخ ولا مريد |
| كل واحد عندو ليه عقال |
| يربطو يا بالشهوة يا بلمقال |
| يعفس طينتو |
| يخوض ماه |
| يبان لو غطاه وهو عراه |
| وتقول واش ينساه |
| هدي صورتي فمرايتي |
| شوف واش تلقى فيها شبيهك |
| هدي مرايتي وفيها حكايتي |
| محال واش تلقى فيها غيرك |
| صغى ليها |
| وشوف فيها ... |
| كبيرك ولا الهم تدبيرك |
الشعراء:
الأعضاء:
زوار اليوم:
الزوار:
أقسام البوابة
روابط مفيدة
تواصل
مفضلة
متابعة
