عناوين ونصوص القصائد   أسماء الشعراء 
الشعراء الأعضاء .. عامِّي > مصر > حمدي فراج ( كوكب ) > جواب

مصر

مشاهدة
381

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

جواب

قلت لولدي ف تالتة إعدادي
تعال يا ولدي اقرأ لي جواب
هز رأسه .. وقالي: جواب.
يخرب بيتك يادي الواد
دا بديك درس ف كل كتاب
قال: صدقني يا أبايا
كل الحصص بنأخذها ألعاب
مرة جانا مدرس عربي
بعد يومين إدانا حساب
مرة سألته: إزاي أتعلم
شخط فيّ: اسكت، اسكت ياغراب
آدي حالنا وحال تعليمنا
ويوم م أنوي أروح أتعلم
أنت تقولي: خدها غياب.
يعني ألاقيها منك أنت
ولا من مبنى كله عذاب
قلت: اتأدب اخص عليك
اعرف رأسك من رجليك
دا أنت صحيح ابن هباب
قال: منهجنا بتاع وزارتنا
مفهش إزاي أقرأ جواب
مرة كتبت ف حرف كتاب
بحبك ياللي اسمك فلي
مسكني معلم قالي: قولي
أنت يامبلم جاي تتعلم
واداني ساعتها ثواب وعقاب
واحد غيره بنقوله: دهوله
قالي: إزاي بتحب فله
حب البت الحلوة انصاف
دا أبوها مدير وفلوسه كتير
عمرك م يوم من الفقر تخاف
واديته سيجارة قال: يا خسارة
مفيش كبريت
راح مولعها من الشطشاطة
آدي حالنا وحال تعليمنا
مفهش حساب
وآدي ياأبايا كتبي كتاب كتاب
رابطهم ربطة لا تنفك ليوم الحساب
دا أنا يوم ما بكون ف اللجنة
الكل بيجري يجيب لي كتاب
اللي بيسأل عن إجاباتي
واللي يجاملني عاملي حساب
واللي يقولي سيجارتك فاحت
أديله واحدة يديني جواب
حتى أنت يا أبايا
جاي بتقولي: خد اقره جواب
حمدي فراج ( كوكب )
التعديل بواسطة: حمدي فراج
الإضافة: الخميس 2013/01/24 06:40:52 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com