إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
انزعيني .. |
من حروف عمري اللي شابت .. |
واكتبيني حرف واحد فوق سطورك |
ابعديني عني مرَّه .. |
ارسميني طفل حاضن صفحه بيضا .. |
لسه ما تعلمش يرسم .. |
أي ملمح مش طبيعي |
اوعى مرَّه تبيعي روحي للمتاهه |
أي آهه مش هتطلع بره سوري |
لسه نبض الدنيا واقف مش هيمشي .. |
إلا لمَّا تقولي .. دُوري! |
رجعيني .. |
عمر نايم جُوَّه حضنك .. |
مهما يرحل .. |
بحره يسكن جوَّه صدرك! |
اوهبيني شط عاشق .. |
مهما موج العمر يعلا .. |
مهما ينشف .. |
ينكسر من فوق صخوري! |
نفسي مرَّه تكوني .. كوني! |
تبدريني ف السما نجمك ليلاتي |
تسمعيني .. |
تسمعي صرخة سكاتي!! |
أرجع أحضن أي لعبه .. احضنيني .. |
ما تقوليشي العروسه مش بريئه .. |
والحصان خان الرهان .. |
اوهميني .. |
إني طالع من همومي .. |
وانِّ صعب الخطوه هان! |
وإنِّ فجر الرحله طالع |
وإنّي هوصل .. |
مهما كان العمر ضايع .. |
ابقى عايش فيكي إنتي .. |
مهما كان الصعب فيكي .. مهما كنتي .. |
اقدر أفهم سحر بحرك .. |
واقدر أفهم .. |
يعني ايه كلمة .. حياه!! |